Protestë sot tek inceneratori i Tiranës, Metës i bashkohet edhe Berisha

Partia e Lirisë ka thirrur sot protestën kundër korrupsionit. Protesta do të mbahet tek inceneratori i Tiranës në Sharrë në orën 18:00.

Thirrjes i është bashkuar dhe Partia Demokratike e Sali Berishës. Në protestë do të ketë fjalime me folës nga të dyja partitë.

Kjo është protesta e parë e Ilir Metës kundër qeverisë, ndërsa janë paralajmëruar protesta të tjera kombëtare, në atë që Sali Berisha e ka quajtur “fronti opozitar”.

Kryetari i Partisë së Lirisë, Ilir Meta taksa i bëri thirrje qytetarëve për protesta tha se duhet të ndalet mafia e inceneratorëve.

Sipas ish-Presidentit Meta, ky fenomen ka ndodhur edhe në Zimbabve, por ky shtet tha ai ka marrë masa shumë më të forta sesa Shqipëria, që është një vend anëtar i NATO-s.

“Mafia duhet ndalur sot, përpara se ajo t’u bëjë dëme të tjera më të rënda popullit tonë, është sot koha për të ekzekutuar frikën që mafia kërkon të mbjellë kudo në vendin tonë, shoqërinë tonë e të gjithë familjet shqiptare, në mënyrë që të pajtohen me heshtjen, vjedhjen e të pranojnë poshtërimin dhe grabitjen vetëm për shkak të frikës. Jo, ne nuk mund të jemi një vend i cili të mposhtet nga frika, dhuna dhe nga mafia në pushtet. Ju e dini që ky fenomen ka ndodhur dhe në Zimbabve, por Zimbabve ka marrë masa shumë më të forta për të goditur këtë mafie sesa ne që jemi një anëtar i NATOs dhe që jemi në vend që duhet të kishim hyrë më kohë në BE”, tha Meta në një konferencë për gazetarët.

j.l./ dita