Në orën 11:00 të kësaj të hëne pritet që të nis shërbesa mortore shtetërore para se Mbretëresha Elizabeth të dërgohet për në banesën e fundit.
Për herë të parë që nga funerali i George III në 1760, shërbimi mbretëror nuk do të mbahet në kështjellën e Shën Gjergjit në Windsor, por do të mbahet në Westminster Abbey. Ndryshimi i vendndodhjes, në fakt, mund të lejojë që më shumë njerëz të marrin pjesë në funeralin e monarkes, pasi dashuria e britanikëve për të është e madhe.
Vendi i zakonshëm i funeralit mbretëror, ka qenë vendi i shumicës së ceremonive mbretërore deri më sot, duke përfshirë funeralin e princit të ndjerë Philip vitin e kaluar dhe dasmën e Dukës dhe Dukeshës së Sussex.
Por çfarë do të ndodhë gjatë gjithë ditës së sotme sipas protokollit të pallatit mbretëror?
Në orën 8:00, dyert e Westminster Abbey hapen për 2000 të ftuarit e pritur, nga liderët botërorë te punëtorët e thjeshtë deri te perandori japonez.
Më tej në 10:44, kortezhi i parë i ditës do të niset, me mbretin Charles dhe anëtarët e tjerë mbretërorë që ecin pas arkivolit të Mbretëreshës ndërsa tërhiqet nga marinarët në karrocën e armëve shtetërore nga Salla e Westminsterit në Westminster Abbey
Në 11:55, do të mbahen dy minuta zi kombëtare. Ndërsa në orën 12:15 një procesion i dytë, më i madh do të dërgojë arkivolin e saj në Wellington Arch.
Në orën 13:00, arkivoli i saj do të dërgohet në Windsor përgjatë një rruge që pritet të jetë e tejmbushur me njerëz, të cilët do t’i japin lamtumirën e fundit përmes përshëndetjes.
Ndërsa në 15:00, do të fillojë procesioni i tretë i ditës, përmes terrenit të Kështjellës Windsor deri në Kështjellën e Shën Gjergjit. Në po këtë vend, në orën 16:00 do të zhvillohet një shërbesë në përkujtim të Mbretëreshës.
Në fund, në orën 19:30, familja mbretërore do të kthehet në kishë, ku do të varroset pranë bashkëshortit të saj të ndjerë në një ceremoni private.
Princi George, 9 vjeç dhe motra e tij, Princesha Charlotte, 7 vjeç, do të jenë në mesin e 2000 të ftuarve që do të marrin pjesë në funeralin e Mbretëreshës.
Dy fëmijët do të marrin pjesë në një procesion me familjen mbretërore, duke ndjekur arkivolin e stërgjyshes së tyre teksa hyn në Westminster Abbey, kisha e shekullit të 13-të ku do të mbahet funerali shtetëror.
George dhe Charlotte do të ecin pas prindërve të tyre William dhe Kate, Princi dhe Princesha e Uellsit. Pas tyre do të jetë xhaxhai Harry dhe bashkëshortja e tij Meghan, Duka dhe Dukesha e Sussex.
Ndërsa, Mbreti Charles III dhe bashkëshortja Camilla, do të udhëheqin procesionin.
Vëllai më i vogël i George dhe Charlotte, Louis, 4 vjeç, nuk pritet të marrë pjesë.
j.l./ dita
Nje tradite qe daton prej 121 vitesh. Trupi i mbretereshes i vendosur ne nje shtrat topi, do te terhiqet nga 142 trupa te forcave mbreterore detare. Ata do ta kryejne kete detyre, nga holli i parlamentit deri ne katedralen e Westminster Abbey, qe eshte nje distance e shiurter, pasi paralmenti dhe katedralja jane perball njeri-tjetrit.