Pak ditë më parë, modelja dhe influencuesja Georgina Rodríguez, partnerja e Cristiano Ronaldos, revolucionarizoi rrjetet pasi publikoi një video në të cilën shfaqej njëri nga djemtë e yllit portugez i veshur me fanellën e plotë të Barçës. Në videon virale mund të shihnit tre nga fëmijët e tij Mateo, Eva dhe Alana Martina duke kërcyer sipër shtratit. Të gjithë kërcejnë në ritmin e një kënge. Por, përdoruesit vunë re shpejt se djali i vogël, Mateo, kishte veshur fanellën dhe pantallonat e FC Barcelona.
Një gjest i vogël ‘culé’ që, tani, është përsëritur në një botim të ri nga Georgina Rodríguez. Modelja e cila ka ‘xhiruar’ ditën e djeshme siç duket edhe në foto, ka ndarë një foto në të cilën Mateo shfaqet me llastikun e Barçës dhe përveç kësaj me flokët e lyer blu.
Një foto që edhe njëherë është përhapur nëpër rrjetet sociale, sidomos në Twitter, ku për këtë imazh të ri kanë reaguar shumë përdorues. Nuk duhet harruar se Cristiano Ronaldo konsiderohet nga shumë njerëz si një nga legjendat më të mëdha në historinë e Real Madridit. Natyrisht, duhet theksuar se nuk është hera e parë që djalin e vogël e shohim me fanella të ndryshme, edhe atë të Real Madridit apo skuadrës së Portugalisë. Por a ka qenë dakord CR7 me këtë detaj…?
