Zëdhënësja e Partisë Socialiste, Bora Muzhaqi ka dalë sërish në një deklaratë për mediat ku iu ka bërë thirrje qytetarëve, të cilët nuk patën mundësinë të votojnë për shkak të problemeve të pajisjeve të identifikimit biometrik, që të rikthehen sërish në qendrat e votimit për të votuar.
Gjithashtu, PS apelon të gjithë ata që ende nuk kanë votuar të shkojnë edhe të japin votën e tyre.
“Dëgjuam reagimin e komisionerit Celibashi për “qeverinë ku bën pjesë zonja”, por nuk dëgjuam ndjesën e tij drejtuar mijëra zgjedhësve, të cilët në më shumë se 500 qëndra votimi, u penguan të votojnë pasi pajisjet elektronike të KQZ-së nuk funksiononin.
Arsyet e mosfunksionimit të tyre ishin nga më absurdet, (deri edhe për moskarikim të baterisë), por kjo meriton një analizë të veçantë pas zgjedhjeve, sepse “qeveria ku bën pjesë zonja” e ka financuar masivisht KQZ-në për pajisjet e identifikimit elektronik, si edhe për ato të votimit elektronik.
Prandaj edhe nuk ka se si të mos na vijë tmerrësisht keq për mosdhënien e shërbimit të identifikimit elektronik, duke penguar mijëra zgjedhës për disa orë, teksa KQZ-ja nuk merrte dot as vendimin elementar të nisjes së votimit në çdo qendër, pa i mbajtur njerëzit me orë në pritje, përtej orarit zyrtar të fillimit të zgjedhjeve.
Por këtu jam përsëri për apelin e Partisë Socialiste, drejtuar të gjithë atyre që s’mundën të votojnë në orët e para të mëngjesit:
Ju lutemi rikthehuni gjatë ditës dhe kryeni detyrën tuaj qytetare, duke votuar! Po ashtu, Partia Socialiste u bën apel edhe të gjithë zgjedhësve të tjerë që nuk janë drejtuar akoma në qendrat e votimit dhe ende nuk e kanë ushtruar të drejtën e votës: Ju lutemi bëheni këtë në orët në vijim!
E përsëris, kushdo prej nesh që voton, voton edhe për ata që nuk e kanë të mundur të votojnë, sepse janë larg apo sepse janë ende fëmijë, por duan dhe meritojnë një Shqipëri akoma më të mirë.
Vota vlen shumë! Vota vendos shumë! Vota e përcakton më shumë se çdo gjë tjetër të ardhmen tonë të përbashkët! Prandaj thirrja e Partisë Socialiste është votoni, votoni, votoni!”, tha Muzhaqi.
j.l./ dita
Zonjushe,pse u organizuar ky bllokimi ne mbi 520 QV?.Pikerisht per kete qellim,te ule pjesmarrjen,sepse kjo siguron mundesi me te medha per Salike Merishet.Nje Bashkim me shume ,nje fitoren me e madhe.Pra,kjo duhet te hetohet,Nese eshte Sabotino i qellimshem apo Jo Per muakhi eshte e qellimshme
Mos moj, po na therrasin bibat e Rames te votojme. Nxjerr keto qurrashkat poturexhiu hajdut, te duket si burre i mire. Shkerdhata
Po mire more shokë po pjesëmarrjes se ulet ne Vlore e ne Fier qysh t’ia veme emrin. As ne votimet e kaluara monopartiake nuk pati kaq pjesëmarrje te ulet. Mos pyesni bedrinj, fatose e viktore se per ta ka vec suksese partia e zemres. Sidoqoftë mos na shurdhoni me me perfaqesim te shumicës sepse thjesht genjeni veten.