Belind Këlliçi doli sot në një konferencë për shtyp dhe akuzoi, pa asnjë fakt ose provë, kryetarin e Bashkisë së Tiranës, Erion Veliaj për lidhje me Arben Dervishin, supervizorin e landfillit të Sharrës, i cili u kontraktua nga kompania koncensionare për të mbikëqyrur punimet për ndërtimin e projektit.
Por, me sa duket, Këlliçi ose nuk e mban mend se ka qenë pjesë e një komisioni hetimor parlamentar për inceneratorët, kur dëgjoi me veshët e tij se ç’mendon Veliaj për Arben Dervishin, njeriun e besuar të Presidentit të FSHF-së, Armando Duka, ose për fat të keq edhe sot lexoi dhe recitoi si një papagall, atë që në fakt i ka vënë në gojë Sali Berisha.
Gjatë atij komisioni hetimor, anëtari i Komitetit Ekzekutiv të FSHF, Arben Dervishi, nuk u thirr kurrë të dëshmonte, edhe pse kryebashkiaku Veliaj i kërkoi disa herë kryetares së komisionit hetimor, Jorida Tabaku, dhe deputetit të PD Belind Këlliçi, që Dervishi të thirrej për të dëshmuar, si gjithë të tjerët, në cilësinë e supervizorit të projektit.
Arsyeja pse as Tabaku dhe as Këlliçi nuk e thirrën Dervishin të dëshmojë para komisionit nuk dihet, por sot ky veprim i tyre ngre disa pikëpyetje të tjera.
Ndërkohë, në atë komision Veliaj ka kërkuar që Arben Dervishi të dëshmojë si person me detyrën e supervizorit të punimeve dhe të mos bridhte qytet më qytet për të vjedhur votat e FSHF për llogari të Armando Dukës.
“Çdo punë publike ka një supervizor. Supervizori i kësaj pune publike quhet Arben Dervishi. Është ky i FSHF-së, që vjedh zgjedhjet në Gjirokastër. Shyqyr zgjedhjet u pezulluan. Unë nuk jam tekniku i lavatriçes, që të merrem me bullona e furrnalta. Unë jam kryetari i Bashkisë. Kam një detyrim që ta çoj mbeturinën deri te dera, të peshohet, ndërkohë që ai po merr pa fund para, por ju s’flisni. Pse s’flisni për Ben Dervishin e Armando Dukës? Sepse ky njeri është supervizori. Tani që gara për FSHF-në është pezulluar, ka kohë të përgjigjet edhe për këtë. Paguhet sa frëngu pulën, të japë llogari ku shkojnë lekët e supervizorit. Të vijë këtu si burrat e të mos shkojë koteceve, të vjedhë votat e FSHF”, ka thënë Veliaj në mbledhjen e komisionit në fjalë.
Pyetja që lind është: Pse s’foli Belind Këlliçi në Komisionin Hetimor për Arben Dervishin e Dukës?
a.m/dita
Pershendetje.Respekt per punen qe beni ju gazetare.Respekt pa fund dhe per mundesine qe na jepni te shprehemi me keto komente ne gazeten tuaj.Por nje pyetje kam per ju,nese me lejohet,sigurisht.
A ka bere gabim tani Z.Kellici qe beri denoncimin?A duhet bere ky denoncim? Per ne si qytetare,ka rendesi te denoncohen abuzimet.Natyrisht,po te ish denoncuar me pare,Arben Dervishi nuk do vazhdonte te abuzonte me ndertimet dhe projektet e tij,por ja qe kete opozite kemi….