Prokurorja e Përgjithshme e SHBA-së, Pam Bondi, ka publikuar një listë prej 305 individësh të shquar përfshirë Donald Trump , Bill Gates dhe Kim Kardashian, emrat e të cilëve shfaqen të paktën një herë në të dhënat që lidhen me Jeffrey Epstein. Njoftimi vjen teksa administrata Trump publikon gradualisht miliona email-e, foto dhe dokumente që lidhen me rastin e pedofilit të dënuar.
Mediat e huaja shkruajnë se, në një letër drejtuar Kongresit të datës 14 shkurt, Bondi listoi individët që janë ose ishin zyrtarë qeveritarë ose persona të ekspozuar politikisht dhe që janë emëruar në të dhënat e publikuara sipas ligjit. Ajo sqaroi se emërtimi i tyre nuk nënkupton faj ose përfshirje në ndonjë akt të paligjshëm që lidhet me krimet seksuale ndaj fëmijëve të Epstein.
Emrat dhe fushëveprimi i zbulimit
Lista e publikuar të shtunën përfshin, ndër të tjera, Barbra Streisand, Keir Starmer, Amy Schumer, Jeff Zucker, Benjamin Netanyahu, Princesha Diana dhe Margaret Thatcher.
Gjithashtu përmenden Diana Ross, Melinda Gates, Tucker Carlson, Beyoncé dhe Meghan Markle. Sipas Boddy dhe zëvendësit të saj, Todd Blanch, emrat shfaqen në një gamë të gjerë kontekstesh.
Letra thekson se asnjë dokument nuk është mbajtur ose redaktuar për arsye turpi, reputacioni ose ndjeshmërie politike, duke përfshirë zyrtarë qeveritarë, figura publike ose zyrtarë të huaj.
Akti i Transparencës së të Dhënave të Epstein, i cili hyri në fuqi pasi u nënshkrua nga Donald Trump më 19 nëntor 2025, parashikon publikimin e të gjitha të dhënave të paklasifikuara që lidhen me Epstein dhe Ghislaine Maxwell.
Redaktimet lejohen vetëm për të mbrojtur identitetin e viktimave, materialet e abuzimit seksual me fëmijë, provat e hetimeve aktive dhe shqetësimet për sigurinë kombëtare. FBI vlerëson se viktimat e Epstein janë më shumë se 1,000.
Miliona skedarë, mijëra video dhe imazhe
Sipas Departamentit të Drejtësisë, u ekzaminuan më shumë se gjashtë milionë dokumente, mijëra video dhe dhjetëra mijëra imazhe. Publikimi përfundimtar më 30 janar përfshinte më shumë se tre milionë skedarë, duke përfshirë 180,000 imazhe dhe 2,000 video, me një kohëzgjatje totale prej 14 orësh.
Dosjet përfshijnë materiale që autoritetet thonë se tregojnë Epstein duke u kërkuar sistematikisht grave të reja t’i dërgonin materiale eksplicite, të bëra në shtëpi, si dhe video të grave të reja në gjendje pjesërisht të veshur. Në njërën nga videot, Epstein dyshohet se ka ekspozuar me forcë gjoksin e një gruaje të panjohur para kamerës, pavarësisht rezistencës së saj.
Video torturash
U publikuan gjithashtu email-e midis Epstein dhe bashkëpunëtorëve që i referoheshin “videove të torturës” dhe vajzave të reja. Në një email të datës 24 prill 2009, Epstein shkroi: “Ku je? Je mirë? Më pëlqeu videoja e torturës.” Në një email tjetër nga viti 2014, një dërgues anonim tha: “Faleminderit për një natë argëtuese… Vajza juaj e vogël ishte paksa e keqe.”
Dosjet përfshijnë gjithashtu një draft aktakuzë prej 56 faqesh nga 20 vjet më parë, para marrëveshjes së pranimit të fajësisë në vitin 2008, që liston tre të bashkëpandehur, me emrat e tyre të redaktuar. Todd Blanch tha se një numër i vogël dokumentesh mbeten nën mbrojtje gjyqësore dhe po presin miratimin për publikim, duke shtuar se “shqyrtimi është i përfunduar”.
j.l./ dita
Dhe te mendosh se gjithe keta, ne aparence “perpiqen” dhe qeverisin me mish e shpirt per te miren tuaj. E kuptuat se ne c’fare Bote jetojme? Pastaj na etiketojne ne konspiracionisteve si te cmendur, kur ekspozojme te verteten. Kur ne themi se te gjithe ne nivelet e larta ne Pushtete, Korporata dhe struktura sociale ne kete Bote, manaxhohen, drejtohen dhe financohen nga nje kult Global Satanik me nje axhende te mbrapshte antinjerezore, jo e jo, kjo nuk eshte e mundur, se ne degjojme fjale te bukura gjithmone per Demokraci, liri, drejtesi, prosperitet e te drejta te barabarta. Keta budallenjte Konspiracionistet nuk i kuptojne gjerat. Po hajde qe e verteta vonon por nuk harron. Asgje nuk mbetet e fshehte nen kete diell. Por mos u merzisni se do shikoni shume e shume gjera te tjera deri ne 2030-en.
Mire e ke ti Phoenix-o, edhe Edvin Rama ashtu tha, Prisni se s’keni pare gje akoma…
Degjesa e Pam Bondit ne Kongres ishte me te vertete pasyra e arrogances se trumpizmit. Ne 4 ore e gjysme ajo nuk i dha pergjigje asnje pyetje te vetme e kulmi ishte kur refuzoi ti kerkonte falje viktimave emrat e te cileve edhe pse duheshin mbuluar sipas ligjit ishin lene te zbardhur. nderkohe politikanet emrat e te cileve duheshin zbardhur te gjithe figuronin ne shume raste me emra te mbuluar.
Për Alexin, miku i bojaxhiut, e marr me mend se pse, po filantropi plakaruq George Sorros ça ka kërku aty?
Per ata qe nuk e kane lexuar artikullin me lart. Fotoja ska te beje fare me titullin. Nuk eshte Trump qe ka thene ate shprehje. Ne fakt eshte nje “mik i madh i Shqiptareve”, pavarsisht se media perpiqet me te gjitha menyrat te genjej dhe te mos thote verteten. Lexojeni mire artikullin para se te nxirni konkluzion the bini pre e mashtrimeve mediatike
JO paksa e keqe, “naughty” i thone i paturpshem, ose paksa e “ndyre”.
Megjithate, nuk ka pse merret DIta me keto thasheetheme
Boll kemi hallet tona
Po u luan njerezve toka nen kembe.
Po i shkul Rama me gjithe shtepi
Ky eshte hall i madh, jo shaka