Protesta 2 ditore e vajzave dhe grave të fasonerisë “Toni Oil” në Bilisht, të cilat u rebeluan kundër punëdhënësit të tyre për shkak se ai shkarkoi nga puna kryesindikalisten e punëtoreve të fasonerisë Mirjeta Mulla, ka detyruar kompaninë të tërhiqet nga vendimmarrja dhe të pranojë nënshkrimin e një kontrate kolektive pune.
Kjo është një nga fitoret e vogla të organizimit sindikal në vend ku 120 punonjëse pas protestës detyruan kompaninë të tërhiqej dhe siguruan të drejta që u ishin mohuar.
“Ne u ngritëm dhe kundërshtuam vendimin për pushimin e padrejtë nga puna të Mirjetës, e cila është jo vetëm shoqe dhe kolege pune, por kryetarja e sindikatës, e cila mbron të drejtat tona. Ishte vendim padrejtë dhe na vjen mirë që vendosmëria jonë do të sjellë përmirësime për kushtet tona të punës”- tha A. C, një prej grave të fasonerisë.
Për Mirjeta Mullën, kryetare e sindikatës në fasoneri procesi ishte i vështirë dhe kishte risqe, por që tashmë po jep frytet e tij. “Është një arritje e Sindikatës të njihet e drejta e organizimit sindikal dhe aktualisht mund të them që kam në dorë kontratën kolektive të cilën deri në fund të këtij muaji do të kemi arritur ta nënshkruajmë”, tha Mulla.
Ajo tha se i kishte marrë parasysh pasojat, por tani të gjitha do të riktheheshin në punë, – raporton Reporter.
i.b. / dita
Me Ju lumte gravete Fasonerise *Toni OIL* Bilisht ! Ja kjo eshte RRUGA e mbrojtiues se te drejtave te PUNONJESVE. Ju urojme mbrodhesi gjithe punonjesve per focimin e mbrojties se te djertave te tye, me se pari- qw nga VETEVENDOSIA me zerin e Klases puntore,sidoms te GRAVE dhe motrave tona ..*Dite Nje mije* zonje e nderuar Mirjeta Mulla, Per mbi 100 Pasues Veterane*ne Toronto ju meshtesim. Lavdi klases PUNTORE!
– Kryetari org .*Pasues Veteran: Arnold Salillari.
– Antari Komitetit Kombetar Dhimiter Xhoga.
Te bashkuar =forcë
Kerkoni dhe paga te denja se skane nga tja mbajne skllavo pronaret e rilindjes.
Keni nje kontradikte midis titullit dhe permbajtjes. Kjo Marjeta Mulla, o eshte “kryepuntore”, pozicion i dhene asaj prej punedhenesit, o eshte “kryesindikaliste”. Nuk mund te jete te dyja sepse eshte ne konflikt interesi.