Luis Rubiales (46 vjeç) do të japë dorëheqjen këtë të premte si president i Federatës Mbretërore të Futbollit Spanjoll (RFEF), post të cilin e mban që nga viti 2018. Presidenti e ka marrë vendimin pas presionit në rritje të publikut, mbi figurën e tij si pasojë e kontroversit, puthja në gojë që i dha lojtares Jenni Hermoso gjatë festës së titullit të Kombëtares në Botërorin e Femrave. Në fillim Rubiales nuk e mendoi dorëheqjen, por kalimi i ditëve e ka bërë të kapitullojë. Largimi i tij është rënë dakord pasditen e sotme pas një takimi me disa ‘baronë të territorit’.
Mundësia që Luis Rubiales të largohej nga presidenca e RFEF u përshpejtua pas thirrjes për asamblenë e jashtëzakonshme të planifikuar për këtë të premte. Krahas hapjes së dosjes disiplinore nga FIFA, federatat territoriale, mbështetja e madhe që Rubiales kishte pasur gjithmonë, filluan të konsiderojnë dorëheqjen e presidentit, pasi Federata Baske shpalli publikisht se nuk do të merrte pjesë në mbledhjen e së premtes. E gjithë kjo shtoi refuzimin e të gjitha klubeve profesionale për të marrë pjesë në samitin federativ.
Nga institucione të shumta politike dhe futbollistike, duke filluar nga vetë presidenti i qeverisë Pedro Sanchez, ishte kërkuar dorëheqja e tij. “Ishte një gjest i papranueshëm dhe faljet e zotit Rubiales nuk mjaftojnë; nuk janë as të përshtatshme. Prandaj, duhet të vazhdoni të ndërmerrni hapa për të sqaruar atë që pamë në media”, kishte pohuar kryetari i Qeverisë. Edhe Partia Popullore, me fjalët e Cuca Gamarra, e cilësoi qëndrimin e presidentit federal si “të turpshëm” dhe kërkoi që ai të ketë “pasoja”.
