Sekretari i përgjithshëm i NATO-s Mark Rutte komentoi për mediat ndërkombëtare nga Tirana, negociatat mes Rusisë dhe Ukrainës në Turqi, më ndërmjetësimin e sekretarit amerikan të shtetit Rubio.
Rutte e cilësoi gabim shumë të madh nga ana e Putin faktin që në këto negociata ka dërguar një delegacion të nivelit të ulët gjë që tregon sipas tij mungesë serioziteti.
“Putin ka bërë një gabim të madh që ka çuar një delegacion të nivelit të ulët në bisedime. Ai e di shumë mirë se topi është në fushën e tij. Duhet ta marrë seriozisht një marrëveshje armëpushimi.
Ai e di shumë mirë si negociohet, por bëri një gabim shumë të madh duke çuar një delegacion të nivelit të ulët në Turqi”, tha Rutte.
Delegacioni rus kryesohet nga këshilltari i Putin.
j.l./ dita
