Presidenti rus Vladimir Putin tha të martën se situata në katër pjesë të Ukrainës që ai i aneksoi para pak muajsh ishte “jashtëzakonisht e vështirë”. Ndërkohë Kievi thotë se takimi i presidenti rus me atë të bjellorusisë dje synonte përfshirjen e Minskut në luftën kundër Ukrainës.
Duke folur me anëtarët e shërbimeve ruse të sigurisë, Presidenti rus, Vladimir Putin theksoi se situata në katër zonat që i shpalli si territor rus në shtator, Donjesk dhe Luhansk në Ukrainën lindore, si dhe Khersonin dhe Zaporizhian në jug, është jashtëzakonisht e vështirë.
“Veçanërisht do të doja të përmendja njësitë e agjencive të sigurisë që filluan të veprojnë në rajonet e reja ruse. Po, është e vështirë për ju tani: situata në ato zona është jashtëzakonisht e vështirë. Por, njerëzit që jetojnë atje, qytetarët e Rusisë, mbështeten tek ju, tek mbrojtja që ofroni ju. Dhe, është detyra juaj të bëni gjithçka të nevojshme për të garantuar sa më shumë sigurinë, të drejtat dhe liritë e tyre”, tha presidenti rus, Putin.
Ai u zotua se Moska do të vazhdojë të forcojë njësitë e reja me pajisje dhe armë moderne, si dhe me personel me përvojë.
Ndërkaq, komandanti i forcave të përbashkëta ukrainase Serhiy Nayev tha se ai besonte se takimi i udhëheqësit rus me homologun bjellorus synonte përfshirjen më të gjerë të forcave bjelloruse në operacionin kundër Ukrainës.
Presidenti i Bjellorusisë, Alexander Lukashenko, ka thënë vazhdimisht se ai nuk ka ndërmend të dërgojë trupa në Ukrainë, pasi u dha forcave ruse mundësinë të shfrytëzojnë territorin bjellorus për sulmin ndaj Ukrainës në shkurt.
Rusia asnjëherë nuk e ka kontrolluar plotësisht ndonjëren nga katër zonat që u aneksuan nga Moska në shtator. Aneksimi nuk është njohur nga komuniteti ndërkombëtar./VOA
Ku jane sot ata 4 drejtues qe u zgjodhen me votat e pushkeve rRuse?
Besoj qe ja kane mbathur me vrap ne Moske, se po te qendrojne aty, do denohen si Tradhetare.
Fake rusia!
Kjo eshte ushtria e kuqe e lavdishme qe nq mwsonin ne shkolle.
luften e Dyte Boterore e fitoi bllokada detare qw iu be Gjermanise, dollari amerikan, ushqimi dhe armatimi amerikan dhe mijera aeroplanet amerikano-britanike qe bombarduan per nate per tre vjet rresht qytetet dhe infrstrukturen ushtarake dhe civile gjermane.
Zoti Qako,
Njesoj dhe njashtu si kjo Ushtria e Kuqe e lavdishme e Stalinit dhe Putinit qe kemi mesuar ne shkolle eshte edhe Ushtria e Kuqe e Enverit LANC – i kriminal jugosllav qe komandohej nga Beogradi dhe Moska qe vrau shqyptaret dhe kosovaret ne nje lufte gjakatare vellavrasese te papare dhe pas Luftes vazhdoi vrasjet dhe krimet monstruoze te komunizmit derisa falimentoi ekonomine dhe renoi shtetin me tollona dhe bunkere dhe qe bedelat e Enverit sot 30 e kusur vjet pas renies se Murit te Berlinit keta pushta fanatike te Enverit qe qeverisin sot Shqypnine kesaj organizate terroriste kriminale e quajtur LANC i kendojne papushim elegji nostalgjike si ruset e Putinit.