Qeveria ka dorëzuar këtë të martë në Kuvend projektbuxhetin për vitin 2026, i cili pritet të diskutohet në komisionet parlamentare në javët në vijim. Sipas dokumentit zyrtar, buxheti i përgjithshëm parashikohet të arrijë në 8.8 miliardë euro.
Në ndarjen e fondeve, rreth 100 milionë euro janë planifikuar për rritjen e pensioneve në kuadër të skemës së re që pritet të hyjë në fuqi. Po ashtu, 135 milionë euro do të përdoren për rimbursimin e medikamenteve, ndërsa 50 milionë euro do të shkojnë për procesin e rindërtimit.
Në total, të ardhurat buxhetore parashikohen në 823 057 milionë lekë, ndërsa shpenzimet do të arrijnë në 886 764 milionë lekë, duke rezultuar në një deficit prej 63 707 milionë lekësh.
Në dokumentin e paraqitur theksohet gjithashtu se fondet e dedikuara për 11 kontrata koncesionare do të jenë 120 milionë euro, një ulje e lehtë krahasuar me 123 milionë euro të parashikuara për vitin aktual.
Projektbuxheti 2026 pritet të kalojë për shqyrtim në komisionet parlamentare përpara se të dalë për votim në seancë plenare.
j.l./ dita
Qeveria mund t’i rrisë pensionet e larta njësoj në %me pensionet e ulëta dhe pastaj mund të na tregojë ne pensionistëve me pension minimal faturën financiare për pensionet.
Kjo nuk është e drejtë, sepse nëse vepron kështu rritet polarizimi në pagën e pensioneve. Për mendimin e shoqatës së pensionistëve në rradhë të parë ata këmbëngulin të ulet TVSH e produkteve të shportës sepse ajo dhe çmimet e ilaçeve si dhe analizat të reduktuara në sektorin shtetëror si analiza e kolesterolit, të triglicerideve, të diabetit dhe të tiroides pothuajse janë të ndaluara të jipen nga mjeku i lagjes, me vështirësi ti jep dhe mjeku specialist dhe që të arrish ti marrësh të
kushton një kalvar sorollatjeje.
Pra çmimet e mallrave të shportës si çmimet e ilaçeve, analizat tek privati si dhe detyrimet financiare shtetërore, i bie që pensionisti të ushqehet me ajrin e ndotur të qytetit.
Për pensionistët qeveria kujtohet vetëm në sezonin e votimeve,sepse ato bëjnë nj%të lartë të votuesve në vend.
Pa ndihmën e emigrantëve pensionistët janë të mbaruar, ato nuk kanë të ardhura mënjanë as për varrimin e tyre sepse dhe shpenzimet për to janë të papërballueshme.
E kuptoni o pushtetarë se ku e keni katandisur punonjësin që dikur mbante shtetin dhe shteti sot i kthen kurrizin, nuk e konsideron ekzistent.
Pensionistë dhe fëmijë të tyre ngrihuni dhe protestoni për të dashurit tuaj!
Jam kurioz te di sa ka ndikuar renia e euros ne shkurtimin e borxhit publik? A ka ndonje sondazh per kete? Nese eshte e vertete, nga cilat xhepa dalin parate dhe kush perfiton ne kurriz te kujt?