Të paktën 100 milionë dollarë do të shpenzohen nga qeveria shqiptare për rehabilitimin e urave të dëmtuara. Në një intervistë për Euronews Albania drejtori i ARRSH, Ervis Berberi bën me dije se është gati kredia që do të mundësoj këtë projekt. “Banka botërore miratoi në bordin e tyre kredinë për Shqipërinë behët fjalë për një investim 100 milion dollarë. Rehabilitimi i urave fillon këtë vit dhe vazhdon në 7 vitet e ardhshme,” – u shpreh ai. “Në vitin e parë starton me 3 ura , ura e Beshirit që bëhet e re, ura e Viroit dhe ura e Dragodit që do bëhet urë e re në lumin e Vjosës që lidh qarkun e Tepelenës me qarqet përballë, i shërben dhe Memaliajt,” – shtoi Berberi. Studimi për gjendjen e urave është bërë menjëherë pas tërmetit të 26 nëntorit në 2019. Pavarësisht dëmtimit të tyre, drejtori i ARRSH siguron se asnjë urë nuk është e pakalueshme. “Të rrezikshme për kalime nuk kemi, të gjitha investimet janë bërë që këto ura të kthehen në standarde më të larta,” – tha Berberi. Në të gjithë Shqipërinë numërohen 186 ura por vetëm 101 prej tyre rezultojnë të skeduara që kanë problematika dhe do ti nënshtrohen procesit rehabilitues. Urat në Shqipëri janë të ndërtuar kryesisht 50 apo 70 vite më parë.
Qeveria do investojë 100 mln euro për të ndërtuar 27 ura në vend. Ja nga do nisë projekti
