Këshilli i Ministrave miratoi sot vendimin për krijimin e Bankës Shqiptare të Zhvillimit, një institucion financiar që do t’i shërbejë nxitjes së zhvillimit ekonomik duke mbështetur me fonde të sektorëve të nënfinancuar.
Në një deklaratë për mediet, pas mbledhjes së qeverisë, ministrja e Shtetit për Sipërmarrjen dhe Klimën e Biznesit, Delina Ibrahimaj bëri të ditur se ky institucion është krijuar bazuar në eksperiencat më të mira të institucioneve të ngjashme në BE.
“Ka për synim të financojë zhvillimin e infrastrukturës fizike dhe digjitale, të mbështesë ndërmarrjet e vogla dhe të mesme, të financojë projekte infrastrukturore dhe gjithashtu të mbështesë eksportet shqiptare”, u shpreh Ibrahimaj.
Ndër të tjera, theksoi ministrja, do të japë mundësi shtesë për rritjen e qasjes në financë të asaj pjese të popullatës e pashërbyer nga sektori bankar, apo ndodhen në zona rurale përmes produkteve të kursimit që do të mblidhen dhe përdoren për zhvillimin ekonomik të vendit.
Draftligji është hartuar në bashkëpunim me “Cassa Depositi e Prestiti”, institucionin lider në BE për dhënien e financimeve me rezultate konkrete në zhvillimin ekonomik në tregun italian.
“Gjithashtu, ka për synim që të bashkëpunojë me institucionet financiare ndërkombëtare të BE-së që kanë në dispozicion fonde të drejtuara drejt vendeve anëtare dhe atyre në proces anëtarësimi në BE, me qëllim rritjen e produktivitet, konkurrueshmërisë dhe lehtësimin e hyrjes në tregun e BE-së”, deklaroi Ibrahimaj.
i.b./dita
Nje tjeter ent me perspektiven per tu bere cerdhe abuzimesh. U miratuan ato zonat per parcela kanabisi mjekesor/industrial po nuk u mor vesh as cilat ishin. Mendoni se sa te paracaktuara jane bere gjerat. Nje shtet ne sherbim te krimit dhe oligarkeve nderkohe qe qytetaret detyrohen te braktisin vendin. Lere pastaj ato fondet qesharake ndihme pet bujqësinë sa per te mbuluar refuzimin nga BE per fondet IPARD te ketij viti. Kriekaqoli preferon te mbroje hajdutet Krifca dhe jo bujqit.
Shokë të Ditës jeni katandisur shume me keq se Fahri Balliu ne kohen e Sales. Po I sherbeni hajduteve e jo qytetareve!