Kryeminstri Edi Rama deklaroi se e vetmja politikë e madhe që ka sot qeveria është të bëhemi pjesë e Bashkimit Europian. Në turin me studentët, Rama u shpreh se, duhet bërë maksimumin në këto vite që kemi përpara ku duket që dera është plotësisht e hapur dhe për këtë arsye nuk duhet të humbasim fokusin.
Sipas tij, Shqipëria do bëjë të pamundurën që të mos bëhet sebep që kjo derë të mbyllet, por theksoi se “mund të mbyllet se ata mund të rikthehen në një situatë dhe të thonë “po prit njëherë”.
“Pyetja që duhet t’ia bëjmë vetes është : sa kohë kemi? Nuk i vjen fati çdo brezi të bëjë histori. Ka momente në jetën e një populli ku një brezi i duhet ose të përballet me historinë ose të ndodh siç po na ndodh tani është një moment që mund të bëjmë historinë duke hyrë në BE.
Është hapur një dritare ose më saktë është hapur dera, por dera mund të mbyllet, por e rëndësishme është që ne të mos bëhemi sebep që të mbyllet dera dhe nuk do bëhemi sebep që të mbyllet dera, por dera mund të mbyllet pas një viti, pas dy vitesh apo tre vjetësh, sepse ata mund të rikthehen në një situatë ku thonë “prit njëherë”.
Ne duhet të bëjmë maksimumin në këto vite që kemi përpara ku duket që dera është plotësisht e hapur dhe për këtë arsye nuk duhet të humbasim fokusin. E vetmja politike e madhe që kemi ne, është të bëhemi pjesë e BE. Ne nuk duhet të humbasim ketë moment historik dhe ky është realisht moment historikë dhe të gjithë duhet të fokusohemi këtu”, tha ai.
j.l./ dita
Kush do ta mendonte se ne 2026 Don Kishoti do te perkonte ne menyre te persosur me nje person?Shpresojme se shpejti te perballemi me te verteten,sado e veshtire te jete,dhe te dalim nga rolet tona.Vetem atehere do te kemi nje mundesi te hapim dyert e te ardhmes dhe zhvillimit.
Pasi e dhjeu me imunitetin e Ballukut, tani thotë e ka fajin BE, mund të na mbyllin derën.