Qendra Kombëtare e Transfuzionit të Gjakut (QKTGJ), është transformuar rrënjësisht falë investimit për rikonstruksionin e plotë të saj, duke e shndërruar në një qendër dinjitoze dhe bashkëkohore të cilësisë së lartë, me mjedise të një standardi bashkëkohor në dhurim, testim, përpunim ruajtje dhe shpërndarje.
Kryeministri Edi Rama, i shoqëruar nga Ministrja e Shëndetësisë dhe Mbrojtjes Sociale, Albana Koçiu vizitoi mjediset e reja të qendrës së rikonstruktuar, të mirëpajisur me teknologjinë më të lartë, ku ndër të tjera është realizuar digjitalizmi i plotë dhurues-pacient në QKTGJ e banka gjaku në Tiranë, automatizimi i mëtejshëm në testim dhe përpunim, centralizimi i mëtejshëm i shërbimeve me qëllim sigurimin e cilësisë maksimale të gjakut dhe garantimin e aksesit të barabartë ndaj gjakut të mjaftueshëm e cilësor në çdo skaj të vendit.
“Këtu jemi në godinën tërësisht të re të qendrës kombëtare të transfuzionit të gjakut, një investim që u realizua nga buxheti i shtetit gjatë vitit 2023. Ishte një investim total, jo vetëm në infrastrukture, por dhe në pajisje dhe në ngritjen e kapacitetit të stafit që punojnë në këtë qendër. Janë 60 punonjës që punonjës në këtë infrastrukturë dhe që shërbejnë për të gjithë ata dhurues që paraqiten këtu dhe dhurojnë gjak.” – shpjegoi Ministrja e Shëndetsisë dhe Mbrojtjes Sociale Albana Koçiu, teksa theksoi se “qendra ka marrë edhe certifikatën e akreditimit të cilësisë nga drejtoria europiane për menaxhimin e cilësisë”.
Standardet europiane në dhurim, testim, përpunim, ruajtje dhe shpërndarje të gjakut, bashkëpunimi teknik me qendrën homologe franceze, si edhe stafi i kualifikuar dhe i mirëpaguar, kanë ndikuar ndjeshëm në rritjen me 50% të numrit të dhuruesve vullnetarë të gjakut.
“Ne kemi rritje 50% të dhurimeve vullnetare të mbledhura nga Qendra Kombëtare e Transfuzionit të Gjakut dhe një rritje rreth 20% e dhurimeve vullnetare në tërësi krahasuar me një vit më parë. Ka mjaft sensibilizim dhe më ndryshe është përgjigja e njerëzve ndaj dhurimit vullnetar të gjakut”, u shpreh Drejtuesja e QKTGJ Irena Qendro.
Ministrja theksoi se po punohet për të krijuar kartën e dhuruesit të gjakut, ku mblidhen pikë në bazë të dhurimit, të cilat ofrojnë lehtësime në shërbime të tjera.
“Po punojmë edhe për kartën e dhuruesit vullnetar. Duam që krahas investimit të bërë deri më tani, të gjithë dhuruesit që vijnë pranë qendrës të kenë një kartë, status të veçantë, që sa herë kryhen procesi i dhurimit, merr pikë, nëpërmjet të cilave krijohen lehtësira në shërbime të tjera. Jemi duke realizuar praktikën dhe modalitetet se si do të jepet kjo kartë.“, theksoi Koçiu.
Me transformimin e realizuar Qendra Kombëtare e Transfuzionit të Gjakut është shndërruar në një operator ekselence i Shërbimit Publik Shëndetësor.
j.l./ dita
PO KARTA E DHURUESIT KA DEKADA QE EGZISTON MOJ PILIVESKE
Ku ka qene kjo qender, si ka shpetuar pa e lene me PPP. Shpejt mblidh qeverine dhe miratoe.
Nuk mbeti pa shetitur kudo ku hap nje wc ne maje te malit,por ka lene pa wc Tiranes ndaj turistet shurrojne tek Lana!