Në takimin me kryebashkiakët në Pogradec ka njoftuar se sot Shqipëria nuk ka arritur dot të blejë sasinë e nevojshme të energjisë. Sipas tij, kjo duhet marrë parasysh nga kryabashkiakët kur ata kërkojnë më shumë investime për qytetet e tyre.
Rama: Kam një lajm për ju sot. Sot energjia shitej çmimi më i ulët 492.7 euro, çmimi tavan 600 euro mgv.
Sot e një vit më parë është shitur 90 e 98 euro.
Ajo që ka ndodhur sot, tani, është që Shqipëria nuk ka mundur të blejë të gjithë sasinë që kishte nevojë, kush thotë dua dhe këtë, duhet të ketë parasysh se ndërkohe ne vazhdojmë që këtë diferencën e tmerrshme mes 19 dhe 600 ta paguajë buxheti i shtetit që të mos paguajnë familjet.
Kur të vijë dita qe ne do duhet të prekim energjinë, aty do ta kuptojnë të gjithë se çfarë do të thotë kjo kohë që jetojmë.
Në momentin që do të vijë kjo gjëja e tmerrshme, duke parë rritjen e çmimeve dhe do të futet nëpër shtëpia, të tjerat do harrohen. Do thonë ishim në rregull, se kjo të merr frymën. Kjo që ne nuk po lëmë të ndodhë ka një kosto. Kjo na jep mundësi që të bëhemi më të zgjuar në mënyrën se si shpenzojmë, në mënyrën se si nuk lejojmë shpenzimet e tepërta.
