Kryeministri Edi Rama do të mbledhë ditën e sotme kryebashkiakët në orën 10:00, në ambientet e një hoteli në kryeqytet. Tema kryesore e mbledhjes së sotme është fokusimi në menaxhimin e mbetjeve.
Në takim do të jetë e pranishme edhe zv.kryeministrja Belinda Balluku, ministrja e Mjedisit, Mirela Kumbaro, si edhe ambasadori gjerman në Tiranë, Peter Zingraf. Takimi pritet të nisë në orën 10:00 dhe të zgjasë deri pasdite në 16:00, ku do të ketë disa panele dhe diskutime.
Fokusi kryesor do të jetë një menaxhim i integruar i regjistruar, por nuk është kjo çështja e vetme. Kjo sepse takimi vjen në një kohë kur kanë nisur të dalin emrat e parë që do të garojnë në zgjedhjet lokale të vitit që vjen.
Nga Rama, deri më tani 3 emra janë të sigurt, Erion Veliaj do të garojë për Tiranën, Andis Salla për Cerrikun, ndërsa Dritan Leli nuk do të ketë një shans të tretë për të drejtuar Vlorën.
Hera e fundit që kreu i qeverisë i mblodhi 60 socialistët, të gjithë bashkë në një vend, ishte për disa ditë në Pogradec, atje ku secili mori 15 minuta kohë për të folur para të gjitha partive se çfarë kishte bërë gjatë kohës që drejtonin bashkinë.
j.l./ dita
