Kryeministri Edi Rama është treguar i ashpër me kryebashkiakët, teksa i ka paralajmëruar për masa shtrënguese për detyrimet e prapambetura.
Në takimin që po zhvillon në Pallatin e Kongreseve, kryeministri Rama tha se të gjithë kryebashkiakët duhet të fillojnë të mendojnë seriozisht si të shtojnë të ardhurat financiare.
“Dua të ndalem shkurtimisht në disa aspekte. Së pari, në aspektin e detyrimeve të prapambetura, siç edhe në fakt e kemi diskutuar më parë dhe siç kam pasur rastin t’ua komunikoj, ne do të hyjmë në një fazë shtrëngimi pa tolerancë, në bazë të parametrave të dakordësuara, jo kot. Kjo është e domosdoshme, sepse nuk mundet dot që akumulimi historik i borxheve të bëhet një rrugë e hapur edhe për vitet që kemi përpara. Kjo është e pamundur. Nga ana tjetër, rritja e performancës nga bashkitë është prioritet.
Nuk ka si të rritet performanca e tyre, nëse nuk forcohen financat e tyre. Nëse bashkitë nuk fillojnë realisht dhe seriozisht të mendojnë si të shtojnë të ardhurat financiare, do ketë shtrëngim. Është e dhëna më dramatike e të gjithë këtyre 30 viteve, që volumi i aktiviteteve që lidhin direkt bashkitë me krijimin e të ardhurave jobuxhetore, është minimal, afër zeros. Është e pamundur që ne akoma sot në nivel bashkiak, që nga Tirana, që është kryesorja, e deri te bashkia e fundit, nuk kemi asnjë aktivitet ekonomik të pavarur që prodhon të ardhura. Duke filluar nga ndërtimi. Bashkitë i kanë të gjitha mundësitë që të ndërtojnë dhe të krijojnë shumë më tepër shanse për njerëzit që kanë nevojë për strehim”, tha Rama.
Kryemiinistri tha se Bashkitë nuk bëjnë detyrën, por bashkëjetojnë me thellimin e borxheve me abuzimin me pasurinë në emër të komfortit elektoral.
“Rolin e zhvilluesit e luajnë shumë investitorë që marrin kompani ndërtimi e zhvillojnë pronat. Me një gur kapin 2 zogj, strehojnë njerëzit e tyre dhe shesin për të mbledhur të ardhura, pse të mos bëhet kjo? Sa janë tregjet bujësore me pjesmarrje apo pronësi bashkiake, sa janë pikat e grumbullimit e të shpërndarjes. Sa nga ju kanë shfrytëzuar fondin e garancisë sovranë për bujqësinë? Sa herë e keni përsëritur këtë gjë, për të ardhur te një tjetër gangrenë që është uji. Pse duhet të ballafaqohemi me probleme serioze për ujin. Bashkitë nuk bëjnë detyrën, por bashkëjetojnë me thellimin e borxheve me abuzimin me pasurinë në emër të komfortit elektoral. Pasuria nuk shkon aty ku duhet po vetëm borxhe, borxhe, borxhe. Pa folur për shërbimet e tjera, pastrimi, transporti publik.
Pse duhet të jetë qeveria kampione në dixhitalimin e pse të mos jenë bashkitë. Ka kuptim që bashkitë të jenë të prapambetura në dixhitalizim?”, vijoi Rama.
j.l./ dita
Mos me rrena me faza shtrengimesh se do dhitesh ne breke o Ram petlla!
Ik ore mut. Ca po ben? Autokritike? Legen kryeminister.
Po sikur tja marresh gjithe territorin bashkive dhe ti besh biznese private te tuat, Fushes, Gjiknurit, Ahmetes, Gjanes, si i behet, do rriten fitimet?
Ky flet sikur eshte taksidari Sulltan.
Verini drurin qelbesires. I ka shkaterruar gjithe qyetetet, dhe kerkon dhe xhelep. Plere antishqitpare.
Ja kur tja japi bashkite fondacioneve private serbo greke, si e dha Butrintin. Ne ate pike ka arritur Shqiperia