Rama në Bulqizë, i thur lavde kryetarit të Bashkisë: Meriton të përgëzohet

Kryeministri Rama ka vazhduar takimet me banorë të Bulqizës, në kuadër të turit të zhvilluara në çdo bashki.

Nga Partia Socialiste ende nuk është zbuluar ndonjë kandidat për kryetar bashkie në zgjedhjet e 14 majit 2023. Por sot në Bulqizë, kreu i qeverisë i thuri lavda kryebashkiakut Lefter Alla.

Në fjalën e tij para qytetarëve, Rama u shpreh se Alla është ndër të paktët kryetar bashkie që ka kuptuar reformën territoriale, por edhe raportin mes bashkisë dhe fshatit.

“Kryetari i bashkisë meriton të përgëzohet se është ndër të paktët kryetar bashkie, që ka kuptuar se jo vetëm me reformën territoriale bashkia është i gjithë territori brenda perimetrit të saj, por edhe bashkia në raport me fshatin nuk është një autoritet që merret me rrugë, ujësjellës dhe kanalizime, por duhet të futet me thellë për bashkëpunimin, grumbullimin dhe shitjen e prodhimit”, tha Rama.

Kryeministri nuk i kurseu as sulmet ndaj kritikëve: “Ka njerëz që nuk pushojnë se helmuari njerëzit, me shpifje dhe akuza që vetëm na largojnë nga tradita shqiptare, nga zakonet që është mirë t’i respektojmë”.

j.l./ dita