Një hap të rëndësishëm dhe një ditë të mirë për vendin, e ka cilësuar kryeministri Edi Rama hapjen e negociatave për grup kapitullin VI sot në konferencën e tretë ndërqeveritare në Bruksel. Duke folur për gazetarët para nisjes së konferencës, kreu i qeverisë shqiptare paralajmëroi hapjen e grup kapitujve të tjerë në pranverë.
“Marshi vazhdon. Ne jemi këtu për të bërë një hap të rëndësishëm dhe për të hapur një grup kapitull të ri që është shumë i rëndësishëm për planin tonë, sepse është një hap që po bëhet sipas planit. Dhe ne duam të vazhdojmë përpara. Ambicia jonë është të hapim shumë kapituj të tjerë, shpresojmë në pranverë dhe të sigurojmë që viti të mbyllet me grup kapitujt e hapur. Është një ditë shumë e mirë për vendin tonë dhe hap motivues për të gjithë ne”.
Shqipëria mban sot në Bruksel konferencën e tretë ndërqeveritare Shqipëri – BE, ku do të hapen zyrtarisht negociatat për grup kapitullin VI që janë “Marrëdhëniet me Jashtë” dhe përfshin kapitujt negociues 30 dhe 31, përkatësisht “Marrëdhëniet e jashtme” dhe “Politika e jashtme, e sigurisë dhe e mbrojtjes”.
Delegacioni shqiptar kryesohet nga vetë kryeministri Edi Rama. Së bashku me të janë Ministri për Evropën dhe Punët e Jashtme Igli Hasani, Ministrja e Shtetit dhe Kryenegociatorja Majlinda Dhuka, Ministri i Mbrojtjes Pirro Vengu, Ministri i Ekonomisë, Kulturës dhe Inovacionit Blendi Gonxhja, Ministrja e Shtetit për Administratën Publike dhe Antikorrupsionin Adea Pirdeni, si dhe një delegacion të përbërë nga negociatorët përgjegjës për kapitujt përbërës (30, 31) të grupkapitullit të VI.
A2 CNN ka zbardhur agjendën e konferencës së sotme që nis në orën 8:00 të mëngjesit dhe më pas në orën 10:00 do të jetë një konferencë e përbashkët shtypi e kryeministrit Rama me ministrin Punëve të Jashtme të Hungarisë, Péter Szijjártó, dhe me Komisioneren për Fqinjësinë dhe Negociatat për Zgjerimin znj. Marta Kos.
Konferenca Ndërqeveritare i paraprin Samitit të BE dhe Ballkanit Perëndimor, i cili do të mbahet ditën e nesërme, si dhe një sërë takimeve që Kryeministri Rama dhe ministrat e kabinetit do të zhvillojnë me përfaqësues të lartë të BE.
Kjo konferencë e tretë ndërqeveritare është e dyta gjatë presidencës hungareze, pas asaj të mbajtur në Luksemburg më 15 Tetor, ku Shqipëria hapi pesë kapitujt e anëtarësimit pjesë e çështjeve themelore si Gjyqësori të Drejtat Themelore, Drejtësia, Prokurimet, Statistikat, Sigurinë dhe Kontrolli Financiar.
Agjenda
Bruksel, Konferenca Ndërqeveritare III për grupkapitullin VI: “Marrëdhëniet me Jashtë;
07.50 – Mbërritja në “Europa Building” dhe doorstep (Vendi:Europa Building)
08.00 – Hapja e Konferencës Ndërqeveritare 3 për grupkapitullin VI: “Marrëdhëniet me Jashtë”
10.00 – Konferencë e përbashkët shtypi e Kryeministrit Rama me z. Péter Szijjártó, Ministër i Punëve të Jashtme të Hungarisë (e cila mban Presidencën e Këshillit të BE), dhe znj. Marta Kos, Komisioneri për Fqinjësinë dhe Negociatat për Zgjerimin
j.l./ dita
Liceisti 7×7 i bejne 39.Me ministresha filoqylse,me ministra liceiste,qe i ben tollova pensionistet te shkojne te sportelet e sigurime shoqerore te marrin shperblimin deri fund te qershorit 2025 .Ende nuk na sqaroi ki dhjamosuri ne fyture ku jane sportelet sigurime shoqerore.Pse na kercenon se pas zgjedhjeve nuk do te merrni bonusin!?
Ore pensionist , i paske ngrënë trutë fare . Po çfarë shkruan o i vrarë ?
Nuk tallet kush me ne pensionistet!O i vrare ,qe nuk ka rendesisi nese je patronazhist apo plepist!?.Nuk duam lemoshe! .Ne votime do te na shikoni,kujt do ja hedhim votat!
Hap e mbyll grup kapituj sa të duash por ne Shqipëtarët nga varfëria në mjerim po na çon.
Nuk e kuptoj nëse europa na fut kështu si jemi, atëhere dhe Europën po e merr lumi. Çmimet më të lartë se europa, jetën si në Bangladesh.
Ku po na shpini kështu në vetëvrasje apo në luftë.