Kryeministri Edi Rama i është drejtuar platformës “X” për të ndarë solidaritetin e tij me Greqinë fqinje në të cilën janë aktivizuar një sërë vatrash zjarri. Është shumë e trishtë, shprehet Rama, që të shohësh sesi “populli trim grek dhe ekipet zjarrfikëse po luftojmë kundër flakëve.”
“Është shumë e trishtueshme të shikosh vendin tonë të bukur fqinj që vuan vazhdimisht nga zjarret, ndërsa populli i guximshëm grek dhe të gjithë personat në uniformë që luftojnë kundër shkatërrimeve të tilla meritojnë solidaritetin tonë të plotë dhe admirim të thellë”, shkruan kryeministri shqiptar.
Kujtojmë se një tragjedi e përmasave të mëdha është regjistruar në Greqi, në pyllin e Dadias që digjet që prej ditës së djeshme. Mediat vendase raportuan sot për gjetjen e trupave të karbonizuar të 18 emigrantëve. Ndërkohë, një ditë më parë, në Athinë u mbajt një darke informale mes liderëve të Ballkanit Perëndimor, darkë në të cilën kryeministri Edi Rama nuk ishte i ftuar.
