Rama rrëzon një nga akuzat e SPAK: Bashkëshortja e Gent Sulës nuk u bë zv.ministre nga Veliaj, por nga Meta

Kryetari i Partisë Socialiste, Edi Rama ndodhet sot në Kryesinë e Kuvendit në dëgjesën e Grupit Parlamentar me kërkesë të kryetares së Komisionit të Ligjeve, Klotilda Bushka.

“E papranueshme nuk do të hesht nga sot, përballë shkeljeve flagrante të standardeve dhe brutalitetit të kujtdoqoftë që ushtrimin e forcës së konsoliduar të pavarësisë se vetëm idiot apo një maskara mund të thonë që pas kësaj, duart tona janë larg fare drejtësisë, nuk jemi këtu hunj gardhi që vetëm të përcjellim lajme e të japim mbështetje, të mos themi asgjë kur biem në gjurmë me ose pa dashje të episodeve si ky”, u shpreh Rama.

Gjatë fjalës së tij, Rama ka rrëzuar një nga akuzat e SPAK. Ai thotë se në fakt bashkëshortja e biznesmenit Gentian Sula nuk u bë zëvendësministre nga Veliaj, por nga Ilir Meta kur ata ishin në koalicion.

“Aty thuhet që Veliajt ka bërë zv.ministre gruan e një biznesmeni pasi ky i fundit e ka marrë me avion diku.  Nuk di a ka pasur një udhëtim më parë, por që të arrish në konkluzionin që zv ministrja është vendosur si rezultat i atij udhëtimi, këtë mund ta bësh me dy rrugë, ose me shkollën e sigurimit te shtetit, ose ta kesh të provuar bisedën. Ndërkohë që zv.ministrja e punës dhe çështjeve sociale është vendosur aty me kërkesë të ish kryetarit të Kuvendit, mua personalisht, kur ishim në koalicion. Më ka kërkuar që të flas me Erionin dhe të vendoset kjo grua që unë nuk e njihja. Kjo është e vërteta, si mund ta shkruash ti  në një aktakuzë penale këtë? Të tilla ka plot. Provat janë ato që e ndajnë këtë punë dhe nga ana tjetër, çfarë Klotilda tha është beteja e saj nuk është beteja jonë. Beteja jonë janë standardet, unë jam dëshmitar dhe jam gati të dëshmoj”, u shpreh Rama.

j.l./ dita