Rama sot në Gjermani, nënshkruhen 3 marrëveshje për Ballkanin Perëndimor

Ditën e sotme nisin takimet në kuadër të “Procesit të Berlinit”. Kryeministri Edi Rama ndodhet në një vizitë zyrtare në Gjermani, me ftesë të Kancelarit Gjerman Olaf Scholz, ku do të mbahet në Kancelarinë Federale një takim në kuadër të procesit të Berlinit, për Ballkanin Perëndimor.

Pjesë e kësaj ngjarje politike është dhe kryeministri i Kosovës, Albin Kurti.

Liderët e Ballkanit Perëndimor do të nënshkruajnë tre marrëveshje, që do të jenë për njohjen reciproke të letërnjoftimeve, të diplomave universitare dhe të kualifikimeve profesionale. Një fokus në samit do të marrë edhe kriza energjetike.

Samiti do të nisë në orën 09:00, ndërsa përveç gjashtë liderëve të Ballkanit Perëndimor, pritet të marrë pjesë edhe Presidentja e Komisionit Europian Ursula Von Der Leyen, si edhe Presidenti i Këshillit Evropian Charles Michel.

j.l./ dita