Tirana e dyta në Europë në destinacionet e verës së këtij viti, i cili riktheu udhëtimet në mbarë globin, pas mbylljes së gjatë të pandemisë. Raporti i perspektivës së udhëtimeve për vitin 2022 nga Forward Keys zbulon se kryeqyteti shqiptar është në top listën e 10 vendeve më të vizituara për 3-mujorin e tretë të këtij viti, ku në vend të parë është Antalia e resorteve turistike, ndërsa Tirana e dyta, duke lënë pas edhe Mikonos, ishullin aventurës, apo të tjera destinacione magjike.
Kryetari i Bashkisë së Tiranës, Erion Veliaj, i cili ka postuar raportin, veçon faktin se Tirana, edhe pse nuk ka plazhe ekzotike, është ndër më të vizituarat sot në Europë.
“Shiko, Shiko! Tirana është numri 2 në Europë këtë verë dhe nuk është as ishull, nuk ka as det,” shkruan Veliaj.
Sipas Forward Keys, preferenca aktuale për pushimet verore ilustrohet nga një krahasim i dhjetë destinacioneve më të mira të plazhit dhe atij urban në Europë, të renditura sipas rezervimeve të fluturimeve në tremujorin e tretë krahasuar me vitin 2019. Lista kryesohet nga Antalia, me një rritje prej 81%, Tirana 36%, Mikonos, 29%, ndërsa në listën urbane katër destinacionet kryesore janë: Napoli, Stambolli, Athina dhe Lisbona.
a.m/dita
Nuk thote kete vere Po thote nje perqindje per tremujorine trete te 22 ne krahasim me tremujorin trete te 2019,eshte rritur me 36% ,Veliaj Pse nuk publikon Qytetin qe drejton ne indeksin evropian te jeteses se kryeqyteteveper 2022 te shikoje qe eshte ne vend te fundit dhe krahasohet me Dhaka ne Bangladesh..kush jeton jashte e di qe Tirana nuk mund te Quhet nje Kryqytet evropian,nuk krahasohet as me republikat Ruse.Kaotike dhe nje mix komunistootoman me Stil ballkani