Sipas Organizatës Botërore të Motit (WMO), ndryshimet klimatike po kërcënojnë prodhimin e energjisë në mbarë botën. Valët e të nxehtit dhe thatësira shkaktojnë uljen e niveleve të ujit që nevojiten për energjinë hidroelektrike ose për të ftohur termocentralet bërthamore paralajmëroi WMO në Gjenevë. Përveç kësaj, stuhitë dhe kushtet e tjera ekstreme të motit rrezikojnë infrastrukturën në shumë vende.
“Sektori i energjisë është përgjegjës për tre të katërtat e emetimeve të gazrave serrë të prodhuara nga njeriu që nxisin ndryshimet klimatike. Prandaj është thelbësore të ndryshohet rrënjësisht prodhimi. Por qeveritë po bëjnë shumë pak”, tha Sekretari i Përgjithshëm i WMO, Petteri Taalas.
Ata nuk arritën të kufizonin ngrohjen globale në 1.5 gradë siç synohej nëse prodhimi i energjisë elektrike nga burime të pastra nuk do të dyfishohej në tetë vitet e ardhshme.
Uji po bëhet më i rrallë
Tashmë sot, 15 për qind e termocentraleve bërthamore në botë ndodhen në rajone ku uji po bëhet gjithnjë e më i rrallë. Përqindja ndoshta do të rritet në 25 për qind në 20 vitet e ardhshme. Gjithashtu, 33 për qind e termocentraleve që kërkojnë ujë ftohës dhe 11 për qind e kapacitetit hidroelektrik janë në zona ku kërkesa për ujë është më e lartë se uji i disponueshëm. Një e katërta e digave ekzistuese për hidrocentralet dhe pothuajse një e katërta e termocentraleve të planifikuara janë në lumenj me rrezik mesatar deri në të lartë të mungesës së ujit.
Deri në vitin 2050 kërkesa për energji elektrike do të duhet të mbulohet kryesisht nga energjitë e rinovueshme, veçanërisht nga energjia diellore, shkruan WMO. Kjo gjithashtu redukton mungesën e ujit, sepse energjia elektrike nga energjia diellore dhe e erës kërkon shumë më pak ujë sesa energjia elektrike nga impiantet që operojnë me lëndë djegëse fosile ose nga termocentralet bërthamore.
a.m/dita
Te gjitha ndryshimet klimatike jane te krijuara nga njerez qe i duan te keqen njerezimit. Klimen e rregullon krijuesi dhe nuk ka vend per doren e njeriut qe te fiksoje klimen. Njeriu vetem shkaterrime di te beje. Po bejne nderhyrje ne ndryshimin e motit me mjete qe tanime jane te njohura dhe te perdorura qe ne luften e Amerikes me Vietnamin midis 1967-1974. Njeriu i keq sot mund te nxise krijimin e shirave, te permbytjeve, te cikloneve, te bresherit, te thatesirave, te djegjeve dhe shume te tjera. Mos harroni qe kimikatet qe perdoren per ndryshimin e klimes jane toksike dhe mund te shkaktojne semundje ne njerezit nga depresioni deri tek kanceri. Nese nuk i besoni keto komente shikoni ketu ne faqen ne Wikipedia qe te bindeni: https://wikiless.org/wiki/Weather_modification?lang=en