Një grup që trafikonte drogë në Spanjë është arrestuar nga policia spanjolle. Me anë të një njoftimi, mediat e huaja raportojnë se kanë sekuestruar 32 ton marijuanë të paketuar me vlerë të paktën 64 milionë euro, që sipas të njëjtit burim është sasia më e madhe e gjetur ndonjëherë, jo vetëm në Spanjë, por edhe në nivel ndërkombëtar.
Policia bastisi një numër fermash dhe fabrikash prodhuese në të gjithë vendin si pjesë e një operacioni të koduar “Gardens”. Policia arrestoi 9 burra dhe 11 gra, të moshave nga 20 deri në 59 vjeç.
“Policia ka sekuestruar sasinë më të madhe të marihuanës së paketuar që është gjetur deri më sot. Ajo korrespondon me rreth 1.1 milion bimë”, tha policia në një deklaratë.
Sipas policisë, banda thante bimët e marijuanës, i paketonte dhe i dërgonte në zona në Spanjë, Zvicër, Holandë, Gjermani dhe Belgjikë.
Anëtarët e bandës u arrestuan në Toledo, Ciudad Real, Valencia dhe Asturias muajin e kaluar, por detajet e operacionit dolën vetëm sot.
a.m/dita
droga vu e leku vu
kjo më duket deja vu
më kujton shqipërinë
që e kthyen në bujtinë
nga vend i bukur i begatë
i lavdishëm dhe i artë
në vend pordhash
plehrash dhe drogërash
ah moj shqipëri e mjera shqipëri
kush ta bëri këtë zi
ti je vend shumë i begatë
ndaj ata të lanë thatë
tani duan të të lënë shtërpë
ne shqiptarët budallenj e të pangrënë
që të bredhin si endacakë
dallëndyshe e fluturakë
por një zë buçet nga toka
dhe më pas tronditet bota
se shqipëria do rrojë sa malet
kujtoni ju se shqipëria ësht kafshatë që aq lehtë hahet
Po keto pse nuk i quani trafikantet shqiptare ? Media nje here te ben te mire dhe heren tjeter te ben te keq.