Aeroporti kryesor i Oslos u mbyll këtë të mërkurë për arsye sigurie për shkak të reshjeve të mëdha të borës në rajonin e kryeqytetit norvegjez, njoftoi operatori Avinor, ndërsa shumë trena dhe mjete të tjera të transportit publik u vonuan ose anuluan ndjeshëm.
Vala e ftohtë përfshiu të gjithë Evropën. Aeroporti do të qëndrojë i mbyllur të paktën deri në orën 14:30, por ka mundësi që mbyllja të zgjatet. “Kjo është jashtëzakonisht e rrallë… Ka aq shumë borë saqë pilotët nuk mund t’i shohin dritat në tokë, kështu që ne i kemi ndalur të gjitha fluturimet hyrëse dhe dalëse. Siguria në radhë të parë“, tha një përfaqësues i Avinor.
Avinor u kërkoi pasagjerëve të kontaktojnë linjat e tyre ajrore për informacion.
Shërbimet e trenave në pjesë të Norvegjisë lindore gjithashtu u ndërprenë këtë të mërkurë për shkak të kushteve të motit, njoftoi operatori Bane Nor në një deklaratë.
a.c./dita
