Moti i keq që ka përfshirë vendin ka sjellë probleme dhe në Kolonjë. Për shkak të reshjeve të dendura të shiut në fshatin Qafzez të bashkisë Kolonjë 3 shtëpi rrezikonin të përmbyteshin pasi përroi që kalon në mes të fshatit doli nga shtrati.
Prej ditësh Shqipëria gjendet ‘nën pushtetin’ e motit të keq që ka gjunjëzuar vendin. Qarqet më të prekura janë Shkodra dhe Lezha ku ka ende banesa, rrugë dhe toka bujqësore të përmbytura. Dhe në Lezhë situata vijon të mbetet e rëndë me reshjet e shiut që nuk kanë ndalur.
Dhe Durrësi e Vlora kanë raportuar situata të rënda për shkak të përmbytjeve. Në Durrës dalja nga shtrati e lumit Ishëm solli përmbytje në zonën e ish-Kënetës dhe në Fushë-Krujë. Ndërsa në Vlorë Kapiteneria ka urdhëruar ndalimin e daljes në det të varkave të peshkimit.
j.l./ dita
Sa ura te vogla i duhen Shqiperise per nje jete rurale me te lidhur me jeten urbane ?