Gazeta DitaGazeta DitaGazeta Dita
Njoftime Shfleto më tepër
Font ResizerAa
  • Kreu
  • Opinion
  • Politikë
  • Ekonomi
  • Bota
  • Kronikë
  • Sport
  • Kulturë
  • Histori
  • Kendi i Kryeredaktorit
  • Investigim
  • Dita TV
  • Kopertina
  • Arkiva
  • RRETH NESH
Duke lexuar: Retorikë përçarëse dhe ndëshkuese
Shpërndaje
Gazeta DitaGazeta Dita
Font ResizerAa
  • Kreu
  • Opinion
  • Politikë
  • Ekonomi
  • Bota
  • Kronikë
  • Sport
  • Kulturë
  • Histori
  • Kendi i Kryeredaktorit
  • Investigim
  • Dita TV
  • Kopertina
  • Arkiva
  • RRETH NESH
Kerko
  • Kreu
  • Lajmi i fundit
  • Kryesore
  • Aktualitet
  • Analiza
  • Politike
  • Ekonomi
  • Kronike
  • Opinion
  • Kendi i Kryeredaktorit
  • Bote
  • Sport
  • Dita TV
  • Lifestyle
  • Enciklopedi
  • Europa/Analize
  • Histori
  • Kendi i Kryeredaktorit
  • Komunitet
  • Kopertina
  • Kulture
  • Kuriozitete
  • Metropol
  • Shendetesi
  • Teknologji
  • Telebingo
  • Televizion
  • RRETH NESH
Sign In
Na ndiqni
Gazeta Dita > Blog > Analiza > Retorikë përçarëse dhe ndëshkuese
AnalizaLajmi i funditopinion

Retorikë përçarëse dhe ndëshkuese

Published: October 26, 2026
Shpërndaje

Nga Blerina Gjoka

Që prej përshkallëzimit të protestave në përplasje të dhunshme me policinë, kryeministri Edi Rama ka ashpërsuar tonet dhe po përdor një retorikë përçarëse dhe ndëshkuese ndaj studentëve, që shkon përtej paralajmërimit për zbatimin e ligjit.

Ai pretendoi fillimisht, pa paraqitur prova, se pas mobilizimit të të rinjve qëndrojnë shërbime të huaja si Rusia apo Irani, apo lëvizja ANTIFA, e shpallur si organizatë terroriste nga presidenti amerikan, Donald Trump.

- Publicitet -

Më pas, ai kërcënoi me heqje bursash, kufizim të shërbimeve dhe me masa të tjera që prekin drejtpërdrejt të drejtat e garantuara në Kushtetutë.

“Do t’ju mbyllim shumë aksese nëpër aeroporte, nëpër hotele, nëpër trena, nëpër të gjitha mjetet e transportit dhe natyrisht që do të bashkëpunojmë dhe e kemi nisur punën me vendet e Bashkimit Europian për t’ua ndaluar aksesin në ato vende si njerëz të dhunshëm,” deklaroi ai.

Retorika e përdorur nga kryeministri nuk ngre vetëm shqetësime për bazën kushtetuese dhe ligjore, por rikthen sipas studiuesve të historisë, reminishencat e së shkuarës totalitare të Shqipërisë.

“Njësoj si para viteve ’90, ai po i paraqet protestuesit si armiq të popullit, agjentë dhe bashkëpunëtorë të fuqive të huaja,” i tha BIRN Hasan Bello, studiues i historisë politike shqiptare, veçanërisht gjatë periudhës komuniste.

Sipas Bellos, kryeministri po synon të delegjitimojë studentët përmes termave përjashtues, kërcënimeve dhe një polarizimi të shoqërisë, të ngjashme me “luftën e klasave”.

“Kjo i hap rrugën shtimit të tensionit social dhe represionit nga organet ligjzbatuese,” theksoi Bello.

Edhe Çelo Hoxha, drejtor i Institutit të Studimeve për Krimet dhe Pasojat e Komunizmit, vëren reminishencat e një kulture autoritare në retorikën e Ramës. Ai thotë gjithashtu se sjellja e kryeministrit reflekton ‘personalizimin e pushtetit’ deri në atë pikë, sa shfaqet si “burim i autoritetit ligjor për gjithçka”.

“Diktatorët japin urdhëra e direktiva pa marrë në konsideratë infrastrukturën ligjore në fuqi,” tha Hoxha, duke nënkuptuar se Rama po vepron në tejkalim të kufizimeve demokratike.

Për pedagogen Enriketa Papa, kjo retorikë është e dëmshme dhe aspak produktive në një moment kaq delikat, kur tensionet sociale janë tepër të nxehta.

“Përpos reminishencave të kulturës së dhunës dhe mendësisë autoritare si trashëgimi të së kaluarës komuniste, retorika nxit konfliktin dhe jo uljen e tensioneve dhe paqen sociale,” tha Papa për BIRN.

Ndarja mes “nesh” dhe “atyre”

Regjimet totalitare e kanë përdorur historikisht gjuhën përjashtuese për të ndarë shoqërinë mes qytetarëve të konsideruar të pranueshëm dhe atyre të shpallur armiq – një proces që nën diktaturën totalitare 45-vjeçare në Shqipëri njihej si ‘lufta e klasave’. Kjo gjuhë përjashtuese e justifikon përjashtimin dhe ndëshkimin e një pjese të popullsisë si domosdoshmëri për mbrojtjen e shoqërisë.

Në këtë linjë, psikoterapisti Neli Demi e analizon retorikën e kryeministrit Edi Rama si një formë stigmatizimi që shkon përtej ndëshkimit të veprimeve të dhunshme, duke krijuar idenë e një kategorie qytetarësh që duhen përjashtuar nga jeta shoqërore.

“Kjo gjuhë ushqen ndarjen mes ‘nesh’, qytetarëve të pranueshëm, dhe ‘atyre’, njerëzve prej të cilëve duhet të mbrohemi,” tha Demi, ndërsa shtoi se “frika mund ta bëjë publikun më të gatshëm të pranojë përjashtimin, ndërsa zemërimi mund ta kthejë poshtërimin e tjetrit në diçka mëse të merituar”.

Në një demokraci, konstaton Demi, përgjegjësia e drejtuesit politik është që të vendosë kufij ndaj dhunës, duke ruajtur dallimin mes autorit të një veprimi të paligjshëm, protestuesit dhe kundërshtarit politik. Por retorika e përdorur nga kryeministri mbart sipas tij rrezikun që të rrisë edhe më tej mosbesimin dhe konfliktin.

“Përgjegjësia individuale kërkon prova dhe shqyrtim individual, ndërsa damkosja kolektive, si në rastin e reagimeve të Kryeministrit Rama, i shkrin këto dallime,” tha Demi për BIRN.

Gjithsesi, Demi thekson se “historia dhe psikologjia, na kanë mësuar e vërtetuar vazhdimisht që forca mund të imponojë bindje, por nuk mund të prodhojë besim”.

Masa antikushtetuese

Kushtetuta e Shqipërisë garanton të drejtat dhe liritë themelore të individit dhe parashikon se kufizimi i tyre bëhet vetëm me ligj, për një interes publik ose për mbrojtjen e të drejtave të të tjerëve, dhe duhet të jenë proporcionale me gjendjen që i ka diktuar ato.

Kushtetuta garanton gjithashtu të drejtën për të lëvizur lirisht, brenda dhe jashtë vendit, ndërsa mbron të drejtën për një proces të rregullt ligjor kur cenohen të drejtat, liritë apo interesat kushtetuese dhe ligjore të individit.

Studiuesit e historisë theksojnë se në çdo rast, përgjegjësia për veprime të paligjshme në një demokraci përcaktohet përmes procedurave ligjore dhe nga institucionet kompetente, jo përmes listave dhe urdhrave politikë të shpallur publikisht.

Vullneti politik i kryeministrit nuk mund të përcaktojë pasoja ligjore për qytetarët. E drejta e lëvizjes është e drejtë natyrore dhe drejtë kushtetuese dhe si e drejtë kushtetuese ajo nuk mund të kufizohet me vendimarrje ekzekutive, por vetëm me vendim gjykate, për arsye të bazuara në ligj. E njëjta gjë vlen edhe për faturimin e dëmit ndaj protestuesve ose gjobitja e prindërve në vend të fëmijëve të mitur.

Edhe historiani Hasan Bello i konsideron mjetet që Rama kërkon të përdorë kundër protestuesve si antikushtetuese dhe në kundërshtim  me vlerat demokratike europiane.

“Është në nderin e tij personal dhe detyrim ligjor që të heqë dorë nga gjuha e përdorur deri sot dhe reminishencat që të kujtojnë atë që përdorte regjimi komunist kundër studentëve në vitin ’91,” përfundoi Bello.

Me shkurtime nga Reporter

 

Shpërndaje këtë artikull
Facebook Email Printo
38 Comments
  • Fjalë me vend says:
    October 26, 2026 at 9:03 am

    Nuk rrëzohet Rama or jo !!!

    Kusure ka plot qeverisja e tij, por qeveria e tij ka mbledhur shumë para!!!
    Tjetër, ka mbështetjen e njerëzve të pasur. Edhe ndërkombëtarët. Nuk e shihni qetësinë dhe sigurinë absolute në fytyrë dhe “gjuhën e trupit”?!
    Mbani mend se këtu do jemi !

    Edhe atyre qenve të droguar që shkatërrojnë e djegin Tiranën po ia shtrëngon “koqet” dita ditës!

    Hajt, shani sa të doni tani !!!
    😅🤣🤣🤣🤣🤣

    Reply
    • Kokpalari 21 janarit says:
      October 26, 2026 at 9:56 am

      Bravo, e zgjidhe misterin e demokracisë! Që kur është bërë meritë e madhe politike që një qeveri ‘mbështetet nga njerëzit e pasur’ ndërsa njerëzit e thjeshtë ikin nga sytë këmbët?

      Të mbledhësh para nga taksat e qytetarëve dhe t’i ndash me të pasurit nuk quhet sukses, quhet biznes personal.

      Ndërsa te ajo ‘qetësia në fytyrë’, ia ke fut kot. Ky bën grimasa si i slmurl psiqik.

      Po edhe nëse do ruante vertet qetësinë kujto që edhe ata që ranë nga pushteti një ditë para, me të njëjtën qetësi flisnin.

      Historia përsëritet, thjesht disave si ty me mendje te shkurter u pëlqen të jenë tifozë të pushtetit dhe jo të shtëpisë së vet

      Reply
    • ali baba me 40 hajdutet says:
      October 26, 2026 at 11:34 am

      KOMENT I FSHIRË NGA MODERATORI

      Reply
      • Fjalë me vend says:
        October 26, 2026 at 12:14 pm

        KOMENT I FSHIRË NGA MODERATORI

        Reply
    • Phoenix says:
      October 26, 2026 at 12:36 pm

      Fatkeqesia me e madhe eshte, se vete Rama dhe strukturat e shtetit, parashtetit, institucione dhe politika jane pas ” Protestave “. Fatkeqesia ketu eshte se shumica nuk e kupton fare se c’fare luhet prapa skenave, dhe bie pre e manipulimit. Rames nuk i intereson pushteti, fare po fare. Atij i intereson axhenda e ustallareve ( Pronareve) qe nuk ka lidhje fare me interesat e Shqiptareve. Ata e vune aty ku eshte dhe manaxhojne si fasade pushteti. Edhe po iku ai, do vije nje Rame tjeter.

      Reply
    • Emigranti says:
      October 26, 2026 at 5:04 pm

      Nqs një popull ngrihet si në Serbi, jo Rama por të gjithë maskarenjtë 36 vjeçar, me kuç e me maç zhduken.

      Reply
  • Beni says:
    October 26, 2026 at 9:10 am

    O komentusi “fjale me fend”

    Idhulli yt o adhurus primitiv është thjesht i shkëputur nga realiteti.

    Mos u gëzo shumë nga pushteti i të tjerëve, se në fund të ditës faturat i paguajmë të gjithë njësoj

    Reply
    • K R says:
      October 26, 2026 at 11:01 am

      Kujt i flet
      Tifozi tifoz mbetet

      Reply
    • Fjalë me vend says:
      October 26, 2026 at 12:29 pm

      Ore Beni legeni
      Je si bisht qeni
      Nuk ndreqesh kurrë
      Se ti s’je as burrë.

      Je surrat patate
      Ike dhe vate
      E hëngre një qafë pate
      Dhe një bisht lopate.

      Fatura ti paguan leshin
      Se i harxhon paret për drogë
      Ç’të mbetet i pi birrë e raki
      E shkon në shtëpi fare dhogë.

      Reply
  • Fjalë me vend says:
    October 26, 2026 at 9:42 am

    Me Ethemin do replikoj
    Për një gjë nuk ka të drejtë
    “DITA” tirazhin do ta shtojë
    Se është më e mira gazetë.

    Ethem bëju mendjehapur
    Respekto mendimin ndryshe
    Se Ad Thano s’ka parimin:
    “Ktheje ndryshe dallëndyshe”!

    Ne ballistët s’jemi djaj
    Jemi “ballë kazani” i Kombit
    Dhe zogistët janë patriotë
    Të mos i shohim si zombit.

    Rroftë e qoftë Edi Rama
    Që shkëlqen në madhështi
    Ai është shpirt njeriu
    Në jetë të jetëve ka lavdi.

    Dhe Enveri burrë i rrallë
    Ka qenë vërtet Gjeni
    Burrë shteti që çdo vend
    Dikur e ka pasur zili.

    Reply
    • Përmetari says:
      October 26, 2026 at 10:02 am

      ​O “tifoz” që thur poezi,
      Me mendime si ngatërresë,
      Se ç’më bëre një miksyrë,
      Nga e shkuara në të sotmen shpresë!

      Thua ballistët s’janë djaj,
      Edhe zogistët patriotë,
      Po si i fut te i njëjti kazan,
      Me Enverin e Ramën sot?!

      ​Se t’i thurësh lavdi Ramës,
      E t’i thuash Enverit “Gjeni”,
      Është si t’i vesh kapelë ballisti,
      Me yllin e kuq mbi si

      Ky “shpirt njeriu” që po shkëlqen,
      Me “madhështi” e me “lavdi”,
      Të la pa rini e pa fshat,
      Ndërsa ti i thurr këngë në pleqëri.
      ​
      Shko e pyet ndërkombëtarët,
      Apo të pasurit që po i gëzon,
      Se historia këta lloj “gjenish”
      Vetëm si makth i kujton!

      Reply
      • Fjalë me vend says:
        October 26, 2026 at 10:45 am

        Unë jam me tezën e Mao Ce Dunit të lavdishëm:
        “LE TË LULËZOJNË 100 LULE, LE TË KONKURROJNË 100 SHKOLLA”.

        NE JEMI SA NJË LAGJE E VOGËL E PEKINIT, DUHET TË DUHEMI, TË TOLEROJMË, TË KONKURROJMË. URREJTJA NUK DUHET TË ZERË VEND NË ZEMRËN E MENDJEN E SHQIPTARËVE!

        Reply
        • As shahist, as poet... says:
          October 26, 2026 at 2:01 pm

          Stem’n e Maos maje fort,
          nga kapota mos e hiq,
          me dy gjishtat ngritur lart,

          Njëqind lule, njëqind shkolla,
          na u bë gjuha bash si sholla,
          flisni ditë, e flisni natë
          na e bëtë kokën sallatë !

          Duhet kshu, e duhet ashtu,
          s’reshtin pa thënë “këshilltarët”,
          budallenjt marrin diploma,
          gratis qyl, nga “baballarët” !

          Konkurrenca fjalë magjike,
          por askush nuk pjerdh për të,
          përveç fjalës me shumë fënd,
          që nuk di, se ku i ka mendtë !

          Reply
    • As shahist, as poet... says:
      October 27, 2026 at 5:44 am

      “Laskarët e pushtetit”
      ———————————————–
      Stem’n e Maos maje fort,
      nga kapota mos e shkul,
      me dy gjishtat ngritur lart,
      ngjan tamam si çapaçul !

      Njëqind lule, njëqind shkollë,
      tu ka bo gjuha si shollë,
      pirdh për ditë, e fënd për natë
      truni jot si mut i thatë !

      Duhet kshu, duhet ashtu,
      s’reshtin pa thënë “këshilltarët”,
      budallenj me lesh-diploma,
      gratis marrë nga “baballarët” !

      Konkurrenca fjalë magjike,
      por askush nuk pjerdh për të,
      përveç fjalës me shumë fënd,
      që nuk di, se ku i ka mendtë !

      Fjalë që fënd, sa herë nga frika,
      kur shefi e vë në resht,
      me skafandrën vija-vija,
      ngjan si rroçkë, ngjan si plesht !

      Helmetën s’e heq nga koka,
      djersa çurk në ball i shkon,
      ditë e natë zagar protestash,
      mish për top, partia e don !

      Reply
      • Fjalë me vend says:
        October 27, 2026 at 8:43 am

        🤣😂🤣😂🤣😂🤣😂😂🤣

        I madh shoku. 🤩

        👏👏👏👏👏👏👏👏👏👏

        Reply
    • As shahist, as poet... says:
      October 27, 2026 at 6:08 am

      “Laskarët e pushtetit”

      Stemën e mbajnë si hajmali,
      e ngrenë mbi ballë si lavdi;
      me dy gishta lart, me sy përdhe,
      duken si hije pa emër, vemje pa fe.

      Njëqind lule, njëqind shkollë,
      gjuhën e kanë bërë si shollë;
      flasin përditë, por s’thonë asgjë,
      mendja u rri, si hi në rrëzë.

      Duhet kshu, duhet ashtu,
      s’reshtin kurrë “këshilltarët”;
      budallenj me diplomë të blerë,
      shpirt përkulur e zemër dhjerë.

      Konkurrenca? Fjalë magjike,
      por për ta s’ka vlerë praktike;
      veç kur shefi u bën shenjë,
      ulin kokat, si hije nën hënë.

      Flet me frikë, flet me fënd,
      sa herë pushteti e fut në rend;
      me helmetë, me fytyrë të vrarë,
      ngjan me vegël, jo më gjallë.

      Helmetën s’e heq nga koka,
      djersa i rrjedh, i kalbet koka;
      ditë e natë, zagar i bindur,
      mish për top, leckaman i shitur.

      Reply
      • Fjalë me vend says:
        October 27, 2026 at 8:41 am

        🤣😂🤣😂🤣😂🤣😂😂🤣
        I madh shoku. 🤩

        Reply
  • Keta jemi ky eshte niveli says:
    October 26, 2026 at 10:01 am

    misteri demokracise eshte te kerkosh pushtetin me dhune?, apo ne tavoline? Serbia, per fat te keq, me protesten e studenteve te saj, per rreth dy vjet, nje shembull i madh civilizimi…. Ndersa ne, sa here i teket nje grupi te marre pushtetin, ben barbarizma….

    Reply
    • Kokpalari 21 janarit says:
      October 26, 2026 at 11:03 am

      Po per 4 muaj qe u protedtua me lule perse vazhdoi Kryeministri me të vetën?
      Kush e ka fajin qe nuk pati sukses qetesia?
      Kush paguhet dhe kujt eshte pergjegjesia per ti garantuar vendit qetesine?

      Reply
      • Keta jemi ky eshte niveli says:
        October 26, 2026 at 6:14 pm

        “Kokpalari 21……”, ti me thua 4 muaj ndersa une po te spjegoj qe ne Serbi ndjenjen gati dy vjet ne proteste dhe nuk thyen nje xham, dhe ne fund Vucic u detyrua te shkoje ne votime.. Kjo per mua nga ana e “studenteve” dhe protestuesve tregoi shkalle me te larte te demokracise, ne te miren e vendit te tyre. Kjo duhet te ndodhe dhe te ne. Asnje nuk eshte i pazevendesueshem por vendi eshte(ose duhet te jete) i shenjte. Ne cdo rast dhuna eshte e pajustifikueshme.

        Reply
    • vlonjati says:
      October 26, 2026 at 12:18 pm

      Ke te drejte, keta jemi , ky eshte niveli . Dhe ky eshte niveli yt si bythlepires i pushtetit ose si ndonje njeri i pushtetit qe paguhesh me paret tona dhe ke frike se nuk i mer me po u nderrua pushteti!! Ti je nje me Ramen qe e urren popullin sepse kerkon me shume pasurine por qe per interes kerkon ti ngaterrosh fjalet.

      Reply
      • Keta jemi ky eshte niveli says:
        October 26, 2026 at 6:34 pm

        Po “Vlonjati” ti me zbulove,une e urrej popullin dhe po pres nje tender, po ju ste lini rehat, te demaskoni… A pikaaa … Ore budalla, e para une jam prej 36 vjetesh jashte dhe jetoj me krahet e mija, e dyta kjo eshte ajo qe skuptoni ju qorrat qe nuk e di cfare moshe ke, po ske kuptuar asgje se si funksionon nje shtet i se drejtes dhe demokracia. Ne se nuk e mendoj si ty perpiqu te kuptosh ate qe dua te them dhe mos shiko fantazma me “patronazhiste”. Pike e zeze, po je me mua je patriot, po e mendove ndryshe je hajdut dhe tradhetar. Ju jeni brezi humbur, shpresoj te mos jene te gjithe keshtu, perndryshe sbehemi me.

        Reply
      • Keta jemi ky eshte niveli says:
        October 27, 2026 at 7:30 am

        Po, po, vlonjati, ti me demaskove, sa po merrja nje tender dhe ti me prishe planet, dhe une e urrej popullin sepse me intereson pasuria…… A pika qe sju bie ju. Nje prerje keni,…. Ore budalla, une kam 36 vjet jashte dhe jetoj me krahet e mija,, si tja beni ju qe prisni nga politika dhe shteti. E vetmja gje qe me intereson eshte mbarevajtja e atij shteti, i ndergjegjshem qe korrupsioni eshte i madh, por qe nuk zgjidhen gjerat me diegie dhe destabilizim te vendit se kthehemi prap nga zerua, ate qe duan dhe financojne gjitonet tane. Kete skuptoni ju qorra,injorante, fanatike, ne rastin me te mire, ose antishqiptare ne rastin me te keq.

        Reply
  • Gjergj says:
    October 26, 2026 at 10:05 am

    Tek Edvin Rama, bie né sy jo vetém mungesa e njohurisé juridike né komunikim me shoqériné, por edhe tiparet e njé njeriu qé nuk ka mé asnjé lidhje me realitetin. Njé i marré, qé flet pér trena imagjinaré, ku ai do béjé fatorinon, apo véndet e BE, qé ky bashképunoka dhe vendoska se çfaré béhet me shqiptarét atje, qé ky i shpallka „té dhunshém“.?
    Se sa „bashkébisedim“ me véndet ku sundon vérteté ligji, ka ky dérrdéllisés banal, e sheh né pamjet ekskluzive té takimeve ku i marri „na pérfaqéson“,,,,,,,,ASKUSH nuk i flet, e as do tè shihet me tè. Pse? Sepse askush nuk „ka kohé“ pèr njè kriminel qè ka edhe zèvèndèsin e tij, si refugjat nèpèr botè, qè i furnizon me informacione tè besueshme mbi gjithçka kriminale tè kryer nga dèrrdèllisèsi dèshtak.
    Ajo qè bie nè sy sot pèr edhe mè keq sesa gjèndja e rènduar e dèrrdèllisèsit, èshtè mungesa e zèrit institucional qè kushtetuta i parasheh si instrumenta veprues nè raste tè tilla, njè president qê nuk e kuptoj se pérse rri aty, apo SPAK dhe GJKKO qè heshtin kur duhet folur.
    Njè i marrè pèllet dhe bèn mbretin para kamerave tè tallavasè. Kèta tè tjerèt, qè duhet ti thonin NDAL, janè nè garè, kush e kush tè bèjè strucin.
    Kur skizofrenèt dhe psikopatèt, nè kombinim me krimin dhe burimet e tij financiare, vijnè nè pushtet, atèherè jini tek Edvin Drama dhe frutet e punés sè çmendurisè dhe dèshtakèsisè.

    Reply
  • Simon Dervishi says:
    October 26, 2026 at 10:12 am

    Teksti kritikon përdorimin e një gjuhe përjashtuese nga kryeministri Edi Rama ndaj protestuesve, duke e paraqitur atë si formë stigmatizimi që ngjall ndarje shoqërore dhe kujton mekanizma të diktaturës. Sipas Neli Demit, kjo retorikë krijon një kufi mes “qytetarëve të pranueshëm” dhe “atyre” që duhen frenuar ose përjashtuar, duke e zhvendosur debatin nga përgjegjësia individuale te damkosja kolektive.

    Thelbi i argumentit është se në një demokraci ndëshkimi duhet të bazohet në prova, procedura ligjore dhe vendim gjykate, jo në vullnet politik apo listime publike. Teksti e cilëson këtë qasje antikushtetuese, sepse cenon të drejtën e lëvizjes, procesin e rregullt ligjor dhe parimin e proporcionalitetit.

    Në përfundim, analiza mbron idenë se retorika politike që nxit frikë dhe zemërim nuk krijon besim, por thellon mosbesimin dhe konfliktin. Mesazhi kryesor është se shteti duhet të vendosë kufij ndaj dhunës me mjete ligjore, jo me etiketime kolektive dhe masa përjashtuese.

    Reply
  • Enveri nga Ferri says:
    October 26, 2026 at 10:24 am

    Ky ne foto do te ngjaj si une?
    mos more se ju vura drune!
    ky i lindur krejt budall,
    as i jati nuk ja beri hallall,
    hapet bythesh si torollak,
    por eshte kokerr frikacak,
    qejfi ja ka por bytha s’ja mba,
    te beje si une sot shans nuk ka,
    ndaj shkelmojeni kete hajvan,
    se me pordhe po qelb dyrnjan.

    Reply
  • Anonymous says:
    October 26, 2026 at 12:26 pm

    Shembulli i levizjes studentore ne Serbi duhet mrrre seriozisht. Nje intelektual nga vendi ose diaspora te behet fytyra e te ardhmes pas Rames. Llapaj, Qorri, Muci mund te behen bashke per te vene krye dikend si p.sh Lea Ypi ose Dumani i SPAKUT. (Nuk njoh asnje nga keta emra vecse nga shtypi). Atehere mund te shohim qe „nderkombetaret“ te leshojne Ramen.

    Reply
  • ANA says:
    October 26, 2026 at 12:56 pm

    Te gjithe jemi kunder vandalizmit dhe shkaterrimit dhe ata qe e shkaktojne duhet te perballen me pasojat e ligjit;por perqendrimi vetem te masat ndeshkuese dhe retorika konfrotuese-pa analizuar shkaqet e problemit-nuk ndihmon askend,as ate vete,vecanerisht duke qene pjese e problemit me qeverisjen 13-vjecare qe vitet e fundit ka nje stanjacion per vendin dhe shume mekate.Te gjithe kane nevoje per kohe-partia e tij ndoshta me shume nga te gjithe per te kuruar imazhin e coptuar,ashtu dhe shoqeria per te kuruar plaget e saj.Prandaj,do te ishte me e urte te beje nje hap pas per hir te dialogut,nga i cili do te perfitojme te gjithe Cdo gje tjeter eshte kohe e humbur-heret a vone-zgjidhja do te jete politike dhe qytetaret do te duhet te japin pergjigjen e tyre.

    Reply
  • Katiu says:
    October 26, 2026 at 2:48 pm

    Ky “ fjalë me vëndi “ më sipër , thotë një fjalë pa vënd : Nuk rrëzohet Rama or jo…..

    Dëgjo këtu ti , more skllav frikacak e mëndjeshkurtër , por , siç duket edhe partizan i Ramës .Rama që tani është I rrëzuar , është një kufomë politike , po zbraz fishekët e fundit si të gjithë diktatorët e dëshpëruar , para se të ja mbathi me vrap, apo t’a varin në ndonjë shtyllë .

    Kontigjenti debil shqipëtar është sot I pafuqishëm të mbajë akoma gjallë tradhëtarin e fëlliqur , Rama . Ky është fundi I tij !

    Reply
    • Fjalë me vend says:
      October 26, 2026 at 5:48 pm

      Ç’pate ti ore Katiu me bisht miu? S’të foli njeri ty! Oj ky!

      Reply
  • per sherbetoret e pushteteve ka vetem neveri says:
    October 26, 2026 at 3:48 pm

    Gallate e madhe te koteci mediatik i kryeministrise – me nje urdher nga lart te gjithe kush e kush me pare bibat mediatike te kryeministrit nga Mero, Frrocko, Percko, Minxho e pinxhot tjere duke u rrekur te bindin vehten (se tjeret nuk i bindin dot) se pushteti Rama nuk ngjet fare me pushtetin Vucic as ne korrupsion as ne autoritarizem.
    Po e bejne kete zhurme ne menyre aq qesharake sa po bindin te gjithe se kjo rrace bastardesh zbythjen e Rames nga kryeministria e perceptojne si fatkeqsi te perbotshme ku pas saj as dielli e as hena nuk do dalin me ne qiell.

    Reply
  • Keta jemi ky eshte niveli says:
    October 26, 2026 at 6:37 pm

    Po “Vlonjati” ti me zbulove,une e urrej popullin dhe po pres nje tender, po ju ste lini rehat, te demaskoni… A pikaaa … Ore budalla, e para une jam prej 36 vjetesh jashte dhe jetoj me krahet e mija, e dyta kjo eshte ajo qe skuptoni ju qorrat qe nuk e di cfare moshe ke, po ske kuptuar asgje se si funksionon nje shtet i se drejtes dhe demokracia. Ne se nuk e mendoj si ty perpiqu te kuptosh ate qe dua te them dhe mos shiko fantazma me “patronazhiste”. Pike e zeze, po je me mua je patriot, po e mendove ndryshe je hajdut dhe tradhetar. Ju jeni brezi humbur, shpresoj te mos jene te gjithe keshtu, perndryshe sbehemi me.

    Reply
    • 36 vjet né tren. says:
      October 27, 2026 at 11:23 am

      @36 vjet gojore. Meqé pérménde pa té pyetur askush se „i paske punét voj“ atje ku je dhe qé i vetmi problem pér ty, qeka tu japésh késhilla atyre atje, qé ti i ke léné pas né errésiré, qé nuk ditkan se kur dhe kush po i vjedh dhe po u shet edhe dheun nén kémbé, desha té té uroj njé jeté té gjaté si zvarranik, asgjé tjetér nuk je.

      Reply
  • Dudumi says:
    October 26, 2026 at 7:34 pm

    Ka mbetur vetëm dhe nuk i beson askujt. Është për tu mëshiruar, por vetë e ka sjellë situatën deri këtu. Krijoi imazhin e gjigandit që është kudo demiurgu, forca lëvizëse. Ky telefononte drejtuesit nga Roma të firmosnin për projektin e smart city, ky për Alabarin, ky për dhëndrin e Trampit, ky edhe për gratacelen mu në mes të parkut Rinia. Ky per tynelet, ky për pensionin e Ethemit, ky për atë ministren virtuale, ky per satelitët, etj, etj. Kur të fillojë prokuroria të hapë librat e inventareve, ky do dale e do thotë që nuk dinte asgjë. Sikur të ishte personazh reklamash dhe jo administratori që mban përgjegjësi se ku shkuan e si u administruan paratë. E di vetë ai që është ekspozuar shumë, ndaj I duhet të mbahet pas imunitetit të karrikes. Dikur tallej me Berishen por po vepron ekzaktesisht si Berishë.

    Reply
  • Zeqo me te jemen says:
    October 26, 2026 at 11:57 pm

    PO pritet qe me mendjen e Celo Hoxhes ,apo me keta historiane e psikoterapiste etj te permendur ne shkrim e qe s’ju a kemi degjuar kurre emrin apo vepren, do te rrezoni Ramen eshte nje vere ne uje, apo si dhelpra pas atyre te dashit…

    Reply
  • As shahist, as poet... says:
    October 27, 2026 at 6:34 am

    “Laskarët e pushtetit”

    Stemën e mbajnë si hajmali,
    e ngrenë mbi ballë si lavdi;
    me dy gishta lart, me sy përdhe,
    duken si hije pa emër, vemje pa fe.

    Njëqind lule, njëqind shkollë,
    gjuhën e kanë bërë si shollë;
    flasin përditë, por s’thonë asgjë,
    mendja u rri, si hi në rrëzë.

    Duhet kshu, duhet ashtu,
    s’reshtin kurrë “këshilltarët”;
    budallenj me diplomë të blerë,
    shpirt përkulur e zemër dhjerë.

    Konkurrenca? Fjalë magjike,
    por për ta s’ka vlerë praktike;
    veç kur shefi u bën shenjë,
    ulin kokat, si hije nën hënë.

    Flet me frikë, flet me fënd,
    sa herë pushteti e fut në rend;
    me helmetë, me fytyrë të vrarë,
    ngjan me vegël, jo më gjallë.

    Helmetën s’e heq nga koka,
    zorra poshtë s’i ndahet kurrë;
    ditë e natë, zagar i bindur,
    mish për top, qurrash, jo burrë

    Reply
    • Fjalë me vend says:
      October 27, 2026 at 10:52 am

      Kryevepër !!! 🤣🤣🤣
      O Zot i madh sa kam qeshur, ka talente të mëdhenj plot ore, s’jam vetëm Demo e unë! 👏👏👏👏👏👏👏👏👏

      Reply
  • Keta jemi ky eshte niveli says:
    October 27, 2026 at 10:19 am

    Me sa shoh e mendojme problemin shume bardhe e zi, ndoshta edhe une jam i tille, edhe pse perpiqem te dale nga kjo llogjike per te miren e asaj, se si è mendoj une te miren e vendit dhe shtetin e te drejtes qe me shume mundim po perpiqemi te veme. Nuk egziston shtet perfekt dhe pa korrupsion, tek ne eshte me i larte sepse niveli demokracise dhe i shtetit eshte shume i dobet. Kjo duhet te jete lufte, por me ligje dhe jo me shkaterrime se smund te fillojme gjithemone nga zero.

    Reply

Leave a Reply Cancel reply

Your email address will not be published. Required fields are marked *

Lajmi i Fundit

  • Kërkesa për transparencë e llogaridhënie nuk është “pabesi e poshtërsi”. Kundër investitorëve të huaj jo e jo (përkundrazi)
  • “Gjithmonë kemi menduar për të varfërit”: Çfarë thonë shifrat e raporteve të pavarura
  • Buxheti historik në një sallë Kuvendi thuajse të boshatisur
  • Rama: Ky është buxheti më i majtë, se tani na u krijuan mundësitë
  • Kush e krijoi problemin e strehimit dhe a do të zgjidhet ai duke vijuar privilegjimi i kullave dhe “strategjikëve”?

Komentet e Fundit

  1. L on Kërkesa për transparencë e llogaridhënie nuk është “pabesi e poshtërsi”. Kundër investitorëve të huaj jo e jo (përkundrazi)
  2. demo on Kërkesa për transparencë e llogaridhënie nuk është “pabesi e poshtërsi”. Kundër investitorëve të huaj jo e jo (përkundrazi)
  3. Vlora 97 on VIDEO: “Po të bien pantallonat”. Batuta me Saliun, Rama prezanton Buxhetin 2027, PD largohet nga salla
  4. Albatros on VIDEO: A është normale?
  5. Jimi on VIDEO: A është normale?

Kategori

Merr te rejat më të fundit

Ndiqni Gazeta Dita duke vendosur emailin tuaj më poshtë dhe do të njoftoheni për të rejat më të fundit

[mc4wp_form]

Gazeta DitaGazeta Dita
© Copyright Gazeta Dita 2012. Të gjitha të drejtat e rezervuara



Welcome Back!

Sign in to your account

Username or Email Address
Password

Lost your password?