Rezultati i zgjedhjeve parlamentare të 11 majit ka tendencë të thellohet drejt një shumice absolute.
Numërimi i votave deri në orën 08.30 të ditës së sotme e nxjerr PS-në me rritje në të gjithë vendin, ndërsa PD me aleatët kanë pësuar rënie.
Edhe diaspora duket se ka shpërblyer Ramën, PS dominon me 47,23%, e ndjekur nga PD me 38,60%.
PS përmbys rezultatin në Dibër (3 mandate) dhe Lezhë (4 mandate).
Në Elbasan PS merr 2 mandate plus dhe shkon në 10.
Në Fier, PS shkon nga 9 në 12.
PS rritje edhe në Tiranë me 1 mandat, Berisha deri tani ka humbur 3 mandate në kryeqytet.
Socialistët po projektohen mbi 75, madje mund të arrijnë deri në mbi 80 mandate, ndërsa Partia Demokratike me 50 deri 52 mandate.
n.s. / dita
