Vijojnë punimet për rindërtimin e godinës së Bashkisë së Kurbinit pas dëmeve të mëdha që mori nga tërmeti. Kryeministri Edi Rama ka bërë publike pamjet duke shkruar se do të ofrojë shërbime publike me kushte dhe standarde optimale.
“Mirëmëngjes… dhe me këto foto të godinës së Bashkisë së Kurbinit, e cila pas shkatërrimit nga tërmeti po merr formë dita-ditës, për të ofruar së shpejti shërbime publike me kushte dhe standarde optimale për banorët e zonës, ju uroj një ditë të mbarë”, shkroi Rama.
Tërmeti që tronditi vendin mëngjesin e 26 nëntorit të vitit 2019, ku për pasojë humbën jetën 51 qytetarë dhe mbi 1000 të tjerë u plagosën.
Tërmeti shkaktoi gjithashtu dëme shumë të mëdha materiale dhe shembjen e qindra banesave, duke lënë të pastrehë shumë banorë në disa zona të qytetit të Durrësit, Fushë-Krujës, Laçit, Lezhës e Tiranës dhe qeveria nisi menjëherë punën për Rindërtimin e banesave dhe godinave të dëmtuara.
a.m/dita
