Rivali i OpenAI, Mira Murati hap kompaninë e saj për Inteligjencën Artificiale

Pas largimit të papritur nga OpenAI vjeshtën e kaluar, shqiptarja-amerikane Mira Murati ka hapur kompaninë e saj.

E quajtur Thinking Machines Lab, sipas mediave të huaja, kompania ka qëllim “t’i bëjë sistemet e inteligjencës artificiale më të kuptueshme gjerësisht, të personalizueshme dhe përgjithësisht më të afta”.

Kompania premton gjithashtu të paktën një nivel të transparencës publike duke u zotuar të publikojë rregullisht kërkimet teknike.

Në një njoftim për shtyp, kompania sugjeron se është ndërtimi i produkteve që ndihmon njerëzit të punojnë me inteligjencën artificiale dhe jo sisteme plotësisht autonome.

“Ne po ndërtojmë një të ardhme ku gjithkush ka akses në njohuritë dhe mjetet për ta bërë IA të punojë për nevojat dhe qëllimet e tyre unike,” thuhet në deklaratën për shtyp.

Murati ka nisur punën me një ekip prej rreth 30 studiuesish dhe inxhinierësh kryesorë nga konkurrentët përfshirë OpenAI, Meta dhe Mistral.

Afërsisht dy të tretat e kompanisë përbëhen nga ish-punonjës të OpenAI – duke përfshirë Barret Zoph, një studiues i shquar që u largua nga prodhuesi ChatGPT në të njëjtën ditë me Muratin në fund të shtatorit.

Zoph do të shërbejë si shefi i teknologjisë së startup-it.Bashkëthemeluesi i OpenAI John Schulman është shkencëtari kryesor i startup-it.

Më shumë punonjës të OpenAI pritet t’i bashkohen kompanisë, ndërsa kjo e fundit ka qenë në bisedime për të mbledhur financimin e kapitalit sipërmarrës nga investitorët./euronews