Në ekranin e SuperSport News u transmetua mbrëmjen e të hënës dokumentari ‘Lorik’, dedikuar kapitenit legjendar të Kombëtares Shqiptare, Lorik Canës.
Ish-qendërmbrojtësi debutoi me fanellën kuqezi në qershor të 2003-shit, në moshën 19-vjeçare, me humbjen 3-2 ndaj ZVicrës në transfertë dhe që atëherë u shndërrua në një pikë referimi në Kombëtare.
Asokohe pjesë e gjigantëve francezë të Paris Saint Germain, Cana kishte mundësi të luante edhe për përfaqësuese si ajo franceze apo zvicerane, por preferoi të veshë fanellën kuqezi, teksa babai i Lorikut, Agim Cana rrëfen si erdhi vendimi.“Në fakt u deshën vetëm 10 minuta që Loriku të vendoste të luante për Shqipërinë. Ishte dëshira e tij dhe e jona që të vishte fanellën kuqezi dhe sapo na erdhi propozimi, pranuam menjëherë”, deklaroi Agim Cana. Dokumentari “Lorik” do të transmetohet nga dita e martë, kanalin e DigitAlb në youtube.
