Rreth 1500 ha tokë e përmbytur në Lezhë, disa zona pa energji elektrike

Gjatë natës në territorin e qarkut të Lezhës ka pasur reshje shiu me intensitet të ulët, duke ndikuar pozitivisht në uljen e nivelit të prurjeve në lumenjtë Drin dhe Gjadër si dhe ne kanalet e ujerave te larta.

Aktualisht janë te përmbytura rreth 1500 hektarë toke bujqësore në Zadrime, Torovicë dhe Kakarriq si dhe dy shtëpi kanë prezencë uji.

Gjithashtu vijon të ketë probleme me furnizimin me energji elektrike në disa zona, ndërsa është bllokuar rruga që lidh fshatin Blinisht me superstradën Lezhë-Shkodër, pasi ka prezencë uji dhe është i pamundur kalimi i automjeteve të vogla.

Bashkia Lezhë ka informuar mbi situatën në Lezhë pas përmbytjeve të një dite më parë për shkak të reshjeve të dendura të shiut.

Në fshatin Gajdër janë 15 banesë në ujë, në Zojs janë 5 banesa në ujë dhe fshatin Kakarriq kemi 3 banesa në ujë.

Njoftimi i plotë:

Sot situata  është rënduar, ka sipërfaqe të mëdha të mbuluar me ujë, në  fshatrat Mabe, Piraj, Gjadër te NJA Dajç dhe Torovicë e NJA Blldren.

Sipas të dhënave nga strukturat e MC të bashkive Lezhë, Kurbin dhe Mirditë  sasia e reshjeve të rëna  për 2 ditët e fundit ka qënë 212 mm.

Vetëm për 24 orët e fundit nga dje në mëngjes  deri tani ka rënë 82 mm  shi .

Lumi Gjadër dhe Drin janë  mbushur dhe tërheqja e ujit bëhet shume ngadal  por nuk kane dale nga shtrati .

Kuota e lumit Drin është +1m nga +2 që është kuota kritike.

Lumi Mat ka rritur prurjet por pa krijuar problem.

Sipërfaqe të përmbytura keminë njësinë administrative Dajç dhe Blinisht rreth 700ha, ndërsa në njësinë administrative Balldre rreth 500ha.

Në njësinë administrative Dajç bashkia Lezhë, në fshatin Gajdër kemi 15 banesë në ujë dhe ura e Zojsit është e pakalueshme. Në fshatin Zojs kemi 5 banesa në ujë.

Në njësinë administrative Balldre, fshati Kakarriq kemi 3 banesa në ujë.

Do jemi gjithe kohen ne teren per te pare ecurine dhe nevojat per nderhyrje

Në Bashkitë Mirditë dhe Kurbin nuk raportohen problematika.

j.l./ dita