Sipas të dhënave të fundit nga INSTAT, Shqipëria ka një total prej 726,325 banesa të zakonshme të banuara, të cilat janë të kategorizuara bazuar në sipërfaqen e përdorshme dhe periudhën e ndërtimit. Një aspekt i rëndësishëm që bie në sy është shpërndarja e numrit të banorëve për banesë, që varion nga një banor deri në pesë ose më shumë.
Banesat më të vogla, me sipërfaqe nën 40 metra katrorë, përbëjnë 127,552 njësi, ose 18% e totalit. Në këto banesa, shumica e familjeve janë përbërë nga një deri në dy anëtarë. Sipas të dhënave, 21,243 banesa janë të banuara nga një person i vetëm, ndërsa 38,947 njësi strehimi kanë dy banorë. Dendësia fillon të rritet me familjet me tre dhe katër anëtarë, përkatësisht 26,591 dhe 20,064 banorë në këto kategori.
Sipas statistikave, 156,224 banesa në vend janë të banuara nga pesë ose më shumë persona, duke treguar një dendësi të lartë në këto njësi. Ky fenomen mund të lidhet me faktin se në zonat rurale dhe familjet tradicionale, është e zakonshme që familje të mëdha të jetojnë së bashku në një banesë.
Të dhënat tregojnë një ndryshim të madh në përbërjen dhe strukturën e banesave, duke nënvizuar nevojën për përmirësimin e kushteve të strehimit, sidomos për familjet me më shumë anëtarë. Në këtë kontekst, mbështetja institucionale për të siguruar strehim të përshtatshëm për të gjitha familjet është një prioritet që duhet adresuar për të përmirësuar cilësinë e jetës së qytetarëve shqiptarë.
Sipas sociologes Marsida Simo, tendencat e banimit të ilustruara nga këto të dhëna theksojnë nevojën urgjente për politika të reja strehimi. “Përmirësimi i cilësisë së banesave, zgjerimi i hapësirës së përdorshme dhe ndërtimi i banesave të reja të përshtatura për familjet me shumë anëtarë janë disa nga masat që mund të lehtësojnë situatën.
Për më tepër, ndihma për banesat sociale dhe subvencionimi i projekteve për shtresat e ulëta do të ndihmonte në zbutjen e presionit të mbipopullimit dhe do të garantonte një cilësi më të mirë të jetesës për të gjithë qytetarët.:-përfundon ajo./ Monitor
Ja kushtet në të cilat jetojnë një pjesë e mirë e shqiptarëve, kjo është mirëqenia jonë që përflitet
kaq shumë.
Si mund të jetë ndryshe kur kryeministri ynë është i kënaqur se asnjë shqiptar nuk vdes për buk.
Turp kur dëgjohet nga goja e një kryeministri që pretendon të
futet në Europë. Nuk flas këtu për fajtorët, por më duket i neveritshëm një koncept i tillë në arsyetimin e një kryeministri. Mendoj sikur ai i thotë popullit mbushni barkun me bukë se kjo është demokracia që ju meritoni. Sinqerisht kam ndjerë keqardhje për të, kam menduar të ketë kaq shpirt mjeran kryeministri im artist?
Moj durrsake
Mos do qe rama ti jape vila shqiptareve?
Nuk shikoj ndonje gje, apartamenteve ne qytetet e medhja perendimore jane te vogla, i quajne “shoebox”. Kryesisht per beqar dhe te dhene pas karieres. Kuptohet jo te pershtatshme per te rritur femijet. Por me rritjen e cmimeve dhe qirave, tendenca eshte per tu bere akoma me te vogla.
Ka dhe me keq, flitet andej nga Azia (tokio singapor) duken apartemented si varre murale.
Prandaj mos u qani per cdo gje, fundi fundit pjesa me e madhe e shqiptareve jane pronare te shtepive, dhe nuk duhet te punojne per qiradhenesin ose per bankat te paguajne kredine e shtepive.
Problemi nuk qëndron këtu, edhe në vëndet më të zhvilluara perëndimore nuk kanë të gjithë shtëpi lluksi. Problemi qëndron në polarizimin e shoqërisë, ku disa kanë disa shtëpi, ndërsa disa të tjerë nuk kanë asnjë. Një shtet është i zhvilluar atëhere kur e ka të ngritur mirëqenjen e të gjithë popullsisë dhe jo vetëm të disave. Mund të kesh “shtëpi prej floriri” por kur del jashtë shkel në bajga dhe ajo shtëpi të kthehet në “ferr”. Kjo është arsyeja që në vendet perëndimore janë me lagje të diferencuara, ku çmimet dhe taksat e shtëpive ndryshojnë në përputhje me zonat. Shqipëria ka shumë gjëra për të rregulluar që të ngrejë mirëqenjen e të gjithëve dhe kjo fillon nga zbatimi i ligjit, si të mos ndërtohet pa leje, të paguhen taksat, veçanërisht nga të pasurit, të ndihmohen të varfërit, të edukohen të rinjtë,etj, të cilat ngrejnë jëtesën e të gjithëve dhe kjo fillon nga politikanët, të cilët janë abuzuesit më të mëdhenj.
Te ndihmohen te varferit eshte qendrim populist. Cdo njeri punon per vete dhe per familjen e tij. Disa te “pasur” bejne nga dy pune dhe i kane bere gjithe jeten per te siguruar dicka me shume. Tani u dashkan taksuar qe te vidhen se pari nga qeveritaret (shikoni cfare bejne me fondet) dhe se dyti keto para u dashkan shpenzuar per te “varferit”. Te varferve nuk duhet dhene “peshku” por “grepi”. Vetem te mjereve mund tu jepet strehe dhe ushqim. Te tjeret marsh ne pune.