Edhe mjekët specializantë do të përfitojnë nga skema e rritjes së pagave.
Autoritetet e Ministrisë së Shëndetësisë dhe Mbrojtjes Sociale bëjnë me dije se për mjekët specializantë, që ndjekin studimet afatgjata në mjekësi dhe që janë kuotë e mbuluar nga ky dikaster, do të marrin pagë nga shteti për të katër vitet e studimeve që do të ndjekin për t’u përgatitur si mjekë specialistë.
Paga që do të marrin specializantët nga shteti për të katër vitet e studimeve do të jetë sa 80 për qind e pagës së mjekut specialist. Kështu rritja e pagës për mjekët specialistë do të reflektohet edhe në pagesat me të larta që do të marrin edhe specializantët e rinj.
Për të marrë këtë pagesë mjekët e rinj specializantë duhet që të përmbushin edhe kushtin e punësimit në strukturat publike mjekësore pas përfundimit të programit të specializimit.
“Përfitimi i pagës nga mjekët specializantë bëhet me kushtin që tre vite pas specializimit të ushtrojnë profesionin e tyre aty ku ka nevojë sistemi shëndetësor, ndaj paga për mjekët specializantë rritet”, sqarojnë autoritetet e Ministrisë së Shëndetësisë dhe Mbrojtjes Sociale.
p.k\dita
