Prej orës 14:00 të kësaj të hëne ka nisur bllokimi i qarkullimit për automjetet dhe këmbësorët, perimetrin e sigurisë së përcaktuar për zhvillimin e Samitit që do mbahet në Tiranë.
Bllokimi i këtyre segmenteve do të zgjasë deri në orën 18:00 të 6 Dhjetorit kur përfundon dhe agjenda e eventit të rëndësishëm.
Gerhard Baka, specialist i trafikut urban, Tiranë: Duke filluar sot nga ora 14 e deri në përfundim të Samitit deri nesër pasdite bëhet mbyllja e parametrit të sigurisë së brendshme që është pjesa e sheshit “Nënë Tereza”, bulevardit, rreth e përqark zonave të stadiumit, rrugët lidhëse që lidhin rrugën e Elbasanit me rrugën Papa Gjon Pali, rrugën Ibrahim Rugova me rrugën Ukraina e Lirë apo me bulevardin.
Por si do kryhet lëvizja e qytetarëve të cilët do duhet të hyjnë në Tiranë gjatë ditës së martë?
Gerhard Baka, specialist i trafikut urban, Tiranë: Zona e Kamzës me hyrje në qytetin e Tiranës, do të duhet të zgjedhin rrugën alternative, e cila është rruga e Paskuqanit, e cila lidh me bulevardin e ri të Trenit. Zona e Durrësit apo zonat alternative Kombinati dhe duhet të zgjedhin rrugën dytësore që lidh Vorën me Qafën e Kasharit, me pjesën e Yzberishtit për të dalë në rrugën Konferenca e Pezës, zona e rrugës së Elbasanit apo rrethet që vijnë nga Juglindja do të duhet të zgjedhin Unazën Lindore të cilët akseson deri tek zona e Brrylit.
Në kuadër të masave të ndërmarra nga autoritetet në terren do të jenë rreth 2000 efektivë në gatishmëri, të planizuar për mbarëvajtjen e Samitit.
o.j/dita
