Manjati, Rupert Murdoch, do japë dorëheqjen si president i mediave Fox dhe News Corp në nëntor të këtij viti dhe do të emërohet si kryetar i dy kompanive.
Vendin e tij si President i dy kompanive do ta zërë djali i tij, Lachlan Murdoch.
92-vjeçari në një intervistë për Wall Street Journal tha se gjithë jeta e tij ka qenë e angazhuar tek lajmet dhe idetë e ndryshme të tij, e cila nuk do të ndryshojë kurrë, raporton media italiane Ansa.
“Për të gjithë jetën time profesionale kam qenë i angazhuar çdo ditë me lajme dhe ide dhe kjo nuk do të ndryshojë. Por kjo është koha e duhur që unë të marr role të ndryshme”, tha Murdoch për stafin e Fox dhe News Corp të raportuar nga Wall Street Journal.
Murdoch është një nga manjatët që revolucionarizuan industrinë e medias. Ai po largohet në një kohë kritike ku Fox dhe News Corp po kërkojnë të ripozicionohen për të ardhmen.
“Bizneset tona janë në rregull. Mundësitë tona peshojnë më shumë se sfidat tona të biznesit. Ne kemi çdo arsye për të qenë optimistë për vitet e ardhshme”, tha Murdoch.
