Sulme masive me dronë në flotën e Detit të Zi, Rusia akuzon Ukrainën dhe Britaninë për përfshirje

Rusia ka akuzuar Ukrainën për kryerjen e një sulmi “masiv” me dron në flotën e Detit të Zi në qytetin port të Krimesë, Sevastopol.

Sulmi filloi në orën 04:20 dhe u hodhën 9 drone ajrorë dhe 7 dronë detarë, thanë zyrtarët rusë.

Një anije luftarake thuhet se është dëmtuar nga sulmet. Ukraina s’ka reaguar ende për incidentin.

Rusia akuzoi edhe trupat britanike për përfshirje në sulmin në flotën e Detin të Zi – dhe në hedhjen në erë të tubacioneve të gazit muajin e kaluar.

Në përgjigjen e saj, ministria e Mbrojtjes e Mbretërisë së Bashkuar tha se Rusia “po shpërndante pretendime të rreme në një shkallë epike”.

Sulmi i së shtunës vjen pasi trupat ukrainase rimorrën me sukses territorin e pushtuar nga trupat ruse që kur nisën pushtimin e tyre më 24 shkurt.

Trupat ukrainase kanë rimarrë me sukses territorin e pushtuar nga rusët kohët e fundit.

Rusia është përgjigjur duke nisur sulme në shkallë të gjerë në infrastrukturën ukrainase, veçanërisht në rrjetin energjetik të vendit.

Mikhail Razvozhaev, guvernatori i vendosur nga Rusia në Sevastopoli, tha se marina ruse kishte zmbrapsur sulmin e fundit.

“Sulmet ishin më masivet në qytet që kur Rusia nisi pushtimin e Ukrainës në shkurt”, tha guvernatori.

Ai u shpreh se të gjitha mjetet ajrore pa pilot (UAV) ishin rrëzuar dhe asnjë “infrastrukturë civile” nuk ishte dëmtuar.

a.m/dita