Rusia mbyll tubacionin kryesor të gazit Nord Stream 1

Rusia ka ndërprerë plotësisht furnizimin me gaz në Evropë përmes tubacionit të madh, Nord Stream 1, me pretendimin se nevojiten riparime.

Gjigandi shtetëror rus i energjisë, Gazprom, tha se kufizimet në gazsjellësin Nord Stream 1 do të zgjasin për tre ditët e ardhshme.

Rusia tashmë ka reduktuar ndjeshëm eksportet e gazit nëpërmjet tubacionit. Ajo mohon akuzat se ka përdorur furnizimet me energji si një armë lufte kundër vendeve perëndimore.

Tubacioni Nord Stream 1 shtrihet 1200 km nën Detin Baltik, nga bregu rus pranë Shën Petersburgut deri në Gjermaninë verilindore.

Ai u hap në vitin 2011 dhe mund të dërgojë 170 milionë metra kub gaz në ditë nga Rusia në Gjermani.

Tubacioni u mbyll për 10 ditë në korrik – përsëri për riparime, sipas Rusisë – dhe kohët e fundit ka funksionuar me vetëm 20% kapacitet për shkak të asaj që Rusia e përshkruan si një defekt në pajisjet shpërndarëse.

a.m/dita