Rusia: Zhvilluam bisedime me SHBA-të në Ankara

Rusia dhe Shtetet e Bashkuara të Amerikës zhvilluan bisedime në Ankara të hënën, me iniciativën e amerikanëve.

Lajmi u bë i ditur nga zëdhënësi i Krelmlinit, Dmitry Peskov për agjencinë ruse të lajmneve, Tass.

“Negociatat e tilla, me të vërtetë, u zhvilluan. Ato u iniciuan nga pala amerikane,” tha zëdhënësi Peskov.

Më herët, u raportua se Drejtori i Agjencisë Qendrore të Inteligjencës Amerikane, William Burns, ndodhej në kryeqytetin turk, ku kishte mbërritur për t’u takuar me homologun e tij rus.

Autoritetet turke nuk kanë dhënë asnjë koment zyrtar në lidhje me këto takime, por thuhet se ato mund të jenë të rëndësishme për vendosjen e linjave të komunikimit midis Rusisë dhe Shteteve të Bashkuara.

a.m/dita