Të qëndruarit ulur për një kohë të gjatë shton riskun për zhvillimin e sëmundjeve kronike.
Keith Diaz, autori kryesor i studimit dhe asistent profesor i mjekësisë së sjelljes në Qendrën Mjekësore të Universitetit të Kolumbisë tregon se qëndrimi ulur mund të rrisë rrezikun e sëmundjeve kronike, si: diabetit, sëmundjeve të zemrës, apo edhe lloje të caktuara të kancerit.
“Ne e dimë për rreth një dekadë tani se qëndrimi ulur rrit rrezikun për shumicën e sëmundjeve kronike dhe rrit rrezikun për vdekje të hershme” theksoi ai, ndërsa shtoi nevojën për t’i dhënë njerëzve udhëzime specifike se si të luftojnë dëmet që shkakton procesi i qëndrimit ulur për një kohë të gjatë. Sipas tij, ashtu si, sa fruta dhe perime duhet të hanë dhe sa ushtrime duhet të bëjnë, njerëzve duhet t’u jepen udhëzime specifike se si të luftojnë dëmet e uljes.
Shkencëtarët nuk e dinë ende saktësisht pse qëndrimi ulur është kaq i keq, por teoria e punës është se muskujt janë të rëndësishëm në rregullimin e gjërave, si: sheqeri në gjak dhe nivelet e kolesterolit, raporton CNN.
Por kur rrimë ulur për një kohë të gjatë, muskujt nuk kanë mundësi të kontraktohen dhe të funksionojnë në mënyrë optimale. Ndaj shkencëtarët sugjerojnë pesë minuta ecje të lehtë çdo gjysmë ore. Deri më tani nuk ka pasur udhëzime të qarta për sa kohë mund të uleni dhe sa shpesh duhet të lëvizni.
p.k\dita
