Salianji: Berisha më konfidoi që i kam detyrim Ramës se më ndihmoi me arrestin shtëpiak

Ish-deputeti demokrak, Ervin Salianji i ftuar në një emision televiziv ka zbuluar detaje lidhur me takimin e tij me kreun e PD-së, Sali Berisha pasi kishte dalë me leje nga burgu.

Salianji theksoi se ka dalë me leje në muajin majin. Sipas tij ai mori leje më vonesë pasi duhet të dilte në periudhën e fushatës zgjedhore. Ndër detajet nga biseda me Berishën, Salianji theksoi se kryedemokrati i ka deklaruar se e liruan nga arresti në shtëpi duke iu referuar si “ballkoni” me kushtin që Rama të qëndrojë në pushtet deri në 2033.

Ai shtoi se do të dalin disa të vërteta që më pas publiku t’i gjykojë por theksoi se tani nuk është momënti pasi të ftuarit insituan që t’i tregojë.

“Berisha më tha që i kam një detyrim Edi Ramës. Më tha që ai do rrij në pushtet deri në 2033-in sepse ma kërkuan këtë në momentin që më nxorrën nga ballkoni. Tha gjykata e regjimit që më nxorri nga Ballkoni.

I thashë që në mënyrë të padrejtë të kanë çuar zoti Berisha në ballkon, edhe të kanë dhënë masën e arrestit të shtëpisë, e padrejtë, politike. Por ai më tha që ja kam këtë detyrim se gjykatësit që i kontrollon regjimi dhe Rama më kanë nxjerrë nga arresti shtëpiak vetëm disa muaj para zgjedhjeve”.