Samiti i NATO-s në 2027 në Tiranë, Rama: Shqipëria përsëri do të shkëlqejë botërisht

Kryeministri Edi Rama ka hapur punimet e Konferencës 3-ditore të Ambasadorëve Shqiptarë nëpër botë. Gjatë fjalës së tij, Rama u shpreh se është një domosdoshmëri forcimi i punës së diplomatëve në rajon. Lidhur me angazhimin e Shqipërisë në tryezat ndërkombëtare, kreu i qeverisë vuri theksin te samiti i NATO-s që do të organizohet në vitin 2027 në Tiranë.

Rama tha se pas dy vitesh në Tiranë do të rimblidhen liderët e Bashkimit Europian dhe disa nga liderët e tjerë të Europërs dhe Shteteve të Bashkuara të Amerikës. Ai u shpreh se Shqipëria do të shkëlqejë sërish në skenën botërore.

“E domosdoshme të frocojmë punën ne rajon. Faktori shqiptar në rajon të jetë shëmbëlltyre e qasjes sonë si një komb i përkushtuar ndaj ardhëmrisë evropiane dhe ndaj aleancës e parneritetit me botën demokratike. Nuk dua të bëj një listë për angazhimet e Shqipërise në tryezat ndërkombetare, por dua të vë theksin te organizimi i samitit të NATO-s në 2027 në Shqipëri. Dua të falenderoj ambasadorin dhe ekipin tonë në NATO. Utopike që Shqipëria të mikpresë një samit dhe të rimblidhen të gjithë udhëheqësit e BE dhe të tjerë nga Europa dhe SHBA-ja. Tani duhet të përmbushim pritshmëritë dhe ti tejkalojmë ato. Shqipëria përsëri mund dhe do të shkëlqejë botërisht”, tha Rama.

Rama u shpreh sot se Konferenca e Ambasadorëve këtë viti zhvillohet në nje moment historik për rrugëtimin e Shqipërisë në Bashkimin Evropian. Rama shtoi se konferenca zhvillohet në një moment ku kreditet e Shqipërisë në arenën ndërkombëtare janë më të larta se asnjëherë, dhe se profili i Shqipërisë është në ngjitje si një partner i besueshëm në rajon.

“Qipro është një vend i vogël, por që ka bërë zhvillime të padiskutueshme. Konferenca tradicionale e Ambasadorëve, këtë vit vjen në një moment historik për rrugëtimin e Shqipërisë, për të arritur majat e BE. Janë katër vite ku asnjë ditë nuk duhet humbur ku dhe koha nuk pret për të përgatitur gjithë terrenin për vendimin që do të marrë KE për anëtarësimin e Shqipërisë në BE.

Negociatat zhvillohen në baza dypalëshe, por e gjithë atmosfera mes tyre ka një rëndësi të vetën dhe është e ndikuar nga faktorë të ndryshëm. Për këtë arsye është shumë e rëndësishme puna e përditshme.

Kjo konferencë zhvillohet në një moment ku kreditet e Shqipërisë në arenën ndërkombëtare janë më të larta se asnjëherë, dhe si profili i Shqipërisë është në ngjitje si një partner i besueshëm në rajon dhe të gjitha tryezat ndërkombëtare është një aset që duhet shfrytëzuar në funksion të Shqipërisë 2030 dhe më tutje. Është e domosdoshme që shërbimi ynë të jetë pikë referimi për talentet, vajzat dhe djemtë që ka ambicie të kontribuojnë në Shqipëri”, tha Rama.

j.l./ dita