Një aksident dramatik ka ndodhur mbrëmjen e sotme në “Urën e Gajdarit”, në hyrje të Sarandës. Dy vetura janë karamboluar ‘kokë më kokë’ me njëra-tjetrën, rreth orës 19:00, në rrethana ende të paqarta. Si pasojë e aksidentit, makinat kanë pësuar dëme të shumta materiale, si dhe janë plagosur të paktën dy persona.
Policia vendore shkoi në vendngjarje dhe nisi hetimet për shkaqet dhe rrethanat, teksa të dëmtuarit u dërguan në spital për ndihmë mjekësore, ku ndodhen jashtë rrezikut për jetën. Paraprakisht dyshohet për ndonjë parakalim të gabuar apo shpejtësi të lartë.
