Një tavernë në Sarandë ka marrë flakë pas mesnatës, duke zbardhur dita e djeshme. Ngjarja ndodhi rreth orës 03:00, fill pas festimeve të 8 Marsit që u bënë në këto ambiente. Zjarri është vënë re dhe menjëherë janë njoftuar zjarrfikëset, të cilët kanë izoluar vatrën, që rrezikonte të përhapej edhe në ambientet e banimit të godinës. Pas disa orësh përpjekjeje situata u vu nën kontroll, por dëmet fizike dhe ekonomike ishin të konsiderueshme.
Policia bën me dije se zjarri dyshohet se është shkaktuar si pasojë e një shkëndije elektrike në aspirator. Më tej përhapja e flakëve ka djegur pjesërisht pjesën e jashtme të lokalit në pronësi të shtetasit M. B.. Ky i fundit tha se dëmet ekonomike janë të konsiderueshme, teksa pritet edhe rezultati i ekspertizës piroteknike. Grupi hetimor po punon për zbardhjen e rrethanave të ngjarjes.
