Një shumë prej 14 000 paund dhe 2600 euro të padeklaruara janë sekuestruar në Morinë. Shërbimet e Policisë Kufitare bëjnë me dije se paratë i përkisnin një 31 vjeçari nga Kosova.
Policia ka kaluar në vijën e dytë, për kontroll automjetin tip “Porsche” ku u gjetën 14 000 paund dhe 2600 euro, të padeklaruara nga 31-vjeçari, sipas përcaktimeve ligjore në fuqi.
Në përfundim të veprimeve hetimore, autoritetet kanë nisur hetimet në gjendje të lirë për 31 vjeçarin, lindur në Kosovë dhe rezident në Mbretërinë e Bashkuar, për veprën penale “Mosdeklarimi i të hollave dhe i sendeve me vlerë në kufi”.
Materialet procedurale iu referuan Prokurorisë pranë Gjykatës së Rrethit Gjyqësor Kukës, për veprime të mëtejshme.
a.m/dita
