Katër persona janë arrestuar në Mirditë, për trafik dhe shitje lëndësh narkotike. Mësohet se, personat e arrestuar janë shtetasit Fran Gjeta, Gentian Gjeta, Denis Luli dhe Mariglen Jaku.
Njoftimi i policisë:
2 grupe operacionale nga Policia e Lezhës dhe Forca e Posaçme “Shqiponja”, të angazhuara paralelisht për finalizimin e operacionit antikanabis të koduar “Mashtërkor”.
Sekuestrohen lënda narkotike, 2 automjete dhe 2 aparate celulare.
Në vijim të operacioneve intensive për goditjen e veprimtarive kriminale të prodhimit dhe shitjes së lëndëve narkotike, bazuar dhe në informacionet e marra në rrugë operative, 2 grupe operacionale me efektivë të Komisariatit të Policisë Mirditë, DVP-së Lezhë dhe Forcës së Posaçme “Shqiponja”, kanë organizuar paralelisht punën dhe kanë finalizuar operacionin policor antikanabis të koduar “Mashtërkor”, si rezultat i të cilit janë arrestuar në flagrancë shtetasit:
-F. Gj., 63 vjeç dhe G. Gj., 29 vjeç, babë e bir, të dy banues në fshatin Mashterkor, Mirditë;
-D. L., 23 vjeç, banues në Pukë dhe M. J., 19 vjeç, banues në Mirditë.
a.m/dita
