Ligjvënës kritikë ndaj qasjes së Presidentit Donald Trump për t’i dhënë fund luftës Rusi-Ukrainë thanë të shtunën se kanë folur me Sekretarin e Shtetit, Marco Rubio, i cili u ka thënë se plani i paqes që Trump po i kërkon Kievit ta pranojë është një “listë dëshirash” e rusëve dhe jo propozimi i vërtetë që pasqyron pozicionet e Uashingtonit.
Një zëdhënës i Departamentit të Shtetit e mohoi këtë rrëfim, duke e quajtur “thellësisht të pavërtetë”.
Vetë Rubio ndërmori më pas hapin e pazakontë duke shkruar në një postim online se senatorët ishin gabim, edhe pse ata deklaruan se ai ishte burimi i informacionit. Sekretari i Shtetit këmbënguli se Uashingtoni ishte hartues i propozimit që ka habitur shumëkënd, pasi është tejet i favorshëm për Moskën.
E gjithë kjo krijoi një situatë të paqartë dhe potencialisht të sikletshme për planin që edhe pa këtë incident, e ka të ardhmen krejt të paqartë.
Plani prej 28 pikash, ishte sipas Shtëpisë së Bardhë, është rezultat i një muaji pune mes Rubio-s dhe të dërguarit të Trump, Steve Witkoff, si dhe kontributeve që u përshkruan si “të sugjeruara nga palët ukrainase dhe ruse”.
Por plani në të vërtetë plotëson thuajse të gjitha kërkesat ruse që presidenti ukrainas Volodymyr Zelensky i ka hedhur poshtë kategorikisht dhjetëra herë, përfshirë dorëzimin e pjesëve të mëdha të territorit.
Megjithatë Trump thotë se dëshiron që Ukraina ta pranojë planin deri në fund të javës së ardhshme.
Republikani Mike Rounds nga Dakota e Jugut, duke folur në një konferencë sigurie në Kanada tha se ata “duan ta përdorin këtë draft si pikënisje”.
Rounds tha se “dukej më shumë sikur ishte shkruar në rusisht që në fillim”.
Senatorët më herët thanë se kanë folur me Rubion teksa ai ishte duke udhëtuar drejt Gjenevës për bisedime mbi planin. Senatori Angus King shtoi se Rubio u kishte thënë se plani “nuk ishte plani i administratës”, por një “listë dëshirash e rusëve”.
DITA / Nga Associated Press
Amerikanet ishin shume efikase ne ndihmen kunder Rusise ne Afganiistan. As marreveshje,as pallavra,as fjalime.Armatime efikase me kosto te ulet.E gjithe ndihma qe i shkoi Talebaneve,nuk barazohet as me 1 muaj ndihma te dhene Ukraines.
Mos duhet te marrin borxh gjeneralet Talebane tu tregojne ukrainazve si munden ruset?
Rusët humbën në Afganistan , o demo ? Hajt se po e pranojmë , po me një kusht , të na tregosh ti “po amerikanët , mos vallë fituan në Afganistan ?”
Prandaj thashe:Duhet te marrin borxh gjeneralet Talebane.