Siç e dini, fundjavën e kaluar u zhvillua Çmimi i Madh i Formula 1 në Miami, në të cilin Max Verstappen mori fitoren, duke qenë përpara Checo Pérez dhe Fernando Alonso. Tani, jashtë piste, mund të shihej mes shumë personazheve VIP edhe Shakira, e cila në një moment u pa duke biseduar edhe me aktorin Tom Cruise. Këngëtarja kolumbiane, prej fillimit të muajit prill jeton në Miami me dy fëmijët e saj, pas ndarjes nga mbrojtësi Gerard Pique, dhe është fotografuar me një tjetër personazh të famshëm, të lidhur me Formula 1. Konkretisht Shakira është parë duke darkuar me pilotin kampion Lewis Hamilton. Në rrjete jan Në rrjete janë postuar edhe video të darkës, më 7 maj, pak pasi kishte përfunduar gara e pistës së Miami, ku piloti britanik përfundoi në vendin e katërt, gjë që e la me 56 pikë në Kampionatin Botëror. Për të qenë më të saktë, të dy janë parë në restorantin Cipriani, i cili është një vend mjaft ekskluziv në Miami.
